Traash un bibacht — Atchell kowa jaake?
Peneh tu . . .
-
awa?
-
na-a?
-
djinau les gar?
HOI PENELL I BIBLA?
O baro Dewel “khossella hake swar [träni] ap lengre jaka tele. Un o merepen dell gar buder, witar [ninna] kek bibacht, kek ropen un kek duka, kowa hoi his, dell gar buder” (O Debleskro tsiro [Offenbarung] 21:4, O DEBLESKRO DROM).
HOI DELL MANGE KOWA?
Me djinau: O tselo tchilatchepen wella gar o Dewlesta (Jakobo 1:13).
Me djinau: O baro Dewel haiwell miri dukh (Sacharijah 2:8).
Me djinau: Traash un bibacht denn bude gar (Gilja [Psalm] 37:9-11).
HOI I BIBLA PENELLA HI TCHATCHO!
Kate nashte dikeh hoske:
-
O baro Dewel hi hakeneske koi. An o puro tsiro his o Dewel Jehowah kolenge koi, gai chan dawa un wan maredo. Kowa dikas jop un ko dukas les an leskro dji. “Les khaitas lengro ropen pral kolende, kai lenge o djipen phares kran” (Tchatchepangre mursha [Richter] 2:18, O DEBLESKRO DROM).
Pral kowa, hoi jon kran, was o baro Dewel midjak. Dikh hoi i bibla penella: “O Dewel penas: Me dau len pale. Me dau len i phagi” (Remarja 12:19, O DEBLESKRO DROM).
-
O baro Dewel hi tuke koi. Tu brindjereh tiri duka. Pats les: O Dewel Jehowah haiwell tiri duka ninna (2. Kronika 6:29, 30)!
Te well o Dewleskro Them, well i tseli traash, ninna i tseli bibacht menda krik lino (Mateo 6:9, 10). Te leh tu kanna o baro Dewleskro wast, hi jop tuke koi (Jesuseskre bitchepangre [Apostelgeschichte] 17:27; 2. Korintarja 1:3, 4).
HOI NAI PUTCHEHS TUT?
O baro Dewel dikell jaake bud tchilatchepen — Hoske krell lo tchi?
I bibla penell menge hoske. Dikh an REMARJA 5:12 un 2. PETRO 3:9.
Kate hatseh budeder
ESSENTIAL BIBLE TEACHINGS
Hoske mukell o Dewel i bibacht jaake rar?
Bud putchen pen, hoske ap mari phub jaake bud bibacht della. An i bibla hatsah mer o tchatchepen.
PRAL MENDE
Hoske dikas an i bibla?
I bibla tsikeras bud manushen o tchatchepen pral ko pharo kooma an o djipen. Khameh tu o tchatchepen ninna djinell? Kate nai dikeh, ha nashte leh i rakepen mentsa pral i bibla.
HOI I BIBLA PENELLA
Kamals i Biblakro Kurso te krell?
Tu nai kreh i Biblakro Kurso hoi interaktiv hi. Ko well tuke kek lowe.
