O swetto — Koones hi i soor?
Hi kowa . . .
-
o Dewles?
-
i manushes?
-
i waweres?
HOI PENELL I BIBLA?
“I tsele wawar menshe ap i phub hi an o bengeskro wast” (1. Johanni 5:19, O DEBLESKRO DROM).
Dran kowa “was o Debleskro tchawo ap kai phub, te phagell lo o bengeskri soor” (1. Johanni 3:8, O DEBLESKRO DROM).
HOI DELL MANGE KOWA?
Me djinau hoske o bibacht ap o swetto hi (Debleskro tsiro [Offenbarung] 12:12).
Me djinau, o Dewel mukell kowa gar jaake (1. Johanni 2:17).
HOI I BIBLA PENELLA HI TCHATCHO!
Kate nashte dikeh hoske:
-
I bengeskri soor well phagedo. O Jehowah, o Dewel, das peskro lab, gai jop i bengeskri soor phagella. Ninna krell jop hallauter pale mishto, hoi o beng pral i phup annas (Hebrearja 2:14).
-
O Dewel rodas o Jeses win. O beng hi midjak un tchilatches. Jop dikell kokeres ap peste. O Jesus hi gar jaake. Jop khamell i tchatcho rai te well. Jop hi kolenge koi, gai tchorweles hi, gai rowenn pral o tchilatchepen (Jesuseskre bitchepangre [Apostelgeschichte] 17:31).
-
O Dewel hi kek chocheno. I bibla penella, gai o Dewel ma haiwell te chochell (Hebrearja 6:18). O Dewel te dell peskro lab, krell jop kowa, hoi jop penas (Jesajah 55:10, 11). Pral o beng well i phagi wri-rakedo (Johanni 12:31).
HOI NAI PUTCHEHS TUT?
Ha dikell kowa ap o swetto wri, te hi o Jesus o rai pral i phup?
Hoi i bibla penella hatseh an GILJA [PSALM] 37:10, 11 un DEBLESKRO TSIRO [OFFENBARUNG] 21:3, 4.