Νάα. Άμα κα συγκρίνας ο πουρανέ χειρόγραφα, κα ντικχάς ότι η Γραφή να αλλαξάλι παρόλο σο για χιλιάδες μπρεσά κερένας λάκερε αντίγραφα οπράλ σε υλικά σο χαλάντιβενας.

 Αρακχλέ χιλιάδες πουρανέ χειρόγραφα ι Γραφιάκε. Μερικά τθερένα μπουτ διαφορές. Ανταβά μανγκέλα τι βακερέλ ότι αβιλέ λάθη κι αντιγραφή. Ο πο μπουτ διαφορές ισί μπουτ χουρντέ ντα να αλλάνενα ο νόημας. Όμως, αρακχλέ χάνικ σημαντικές διαφορές. Μερικές λένταρ ντικχίντιβελα ότι αβιλέ επίτηδες μπουτ μπρεσά πο τζανγκλέ για τι αλλάνεν ο λάφια ι Γραφιάκε. Ντικχέν ντούι παραδείγματα:

1.   Κο εδάφιος 1 Ιωάννη 5:7, μερικές πο πουρανέ μεταφράσεις ι Γραφιάκε τθερένα αντρέ ο λάφια «κο ουρανός, ο Ντατ, ο Λάφι ντα ο Άγιος Πνεύμας, ντα ανταλά τριν ισί εκ». Όμως, χειρόγραφα σο μπορίνασα τι ντας λένγκε μπέσα, σικαβένα ότι ανταλά λάφια να υπαρχίντιβενας κι αρχή. Τσσουντέ-λεν πο σοράν. a Οντουλέσκε, μερικές μεταφράσεις ι Γραφιάκε αντιβές σο μπορίνασα τι ντας λένγκε μπέσα, νικαντέ ανταλά λάφια.

2.   Κο πουρανέ χειρόγραφα κι Γραφιάκε αρακχάσα χιλιάδες φαρ ο ναβ ι Ντεβλέσκο. Όμως, μπουτ μεταφράσεις ι Γραφιάκε νικαντέ ο ναβ ι Ντεβλέσκο ντα τσσουντέ τίτλους σαρ «Κύριος» ή «Ντεβέλ».

 Μέχρι ακανά αρακχλέ μπουτ χειρόγραφα, οτθάρ ισί πο εύκολος από ποτές τι αρακχάς λάθη. b Σαρ βοηθίνενα-αμέν ο συγκρίσεις σο αβιλέ κο χειρόγραφα τι αγαβάς καζόμ σωστή ισί η Γραφή αντιβές;

•   Ο Γουίλιαμ Χ. Γκριν, σο ισί εκ σπουδαγμέ τζενό, βακερντάς για τις Εβραϊκές Γραφές, δηλαδή για την «Παλαιά Διαθήκη»: «Μπορίνασα τι βακεράς με σιγουριά ότι καέκ γιαβέρ βιβλίος κατά πουρανέ μπρεσά να ερεσλό αμαρέ βαστέντε αζόμ σωστός».

•   Εκ γιαβέρ σπουδαγμέ τζενό, ο Φ. Φ. Μπρους, γραφιντάς ότι ο αποδείξεις σο τθεράσα για τις Χριστιανικές Ελληνικές Γραφές, ή γιαβέρτουλους για την «Καινή Διαθήκη» ισί πο μπουτ κατά αποδείξεις σο υπαρχίντιβενα για βιβλία σο γραφιντέ μερικά γνωστά τζενέ κο πουρανέ μπρεσά ντα λένγκε λάφια καέκ ναστί βακερέλα ότι αλλαξάλε.

•   Εκ τζενό σο ισί ειδικός κο χειρόγραφα κι Γραφιάκε, ο Σερ Φρέντερικ Κένιον, βακερντάς ότι εκ τζενό «μπορίνελα τι λελ πι βαστέντε σαρί ι Αγία Γραφή ντα τι βακερέλ μπίνταρανες ότι μπαγιά ασταρέλα ο αληθινός Λάφι ι Ντεβλέσκο, σο νακχλό από γενιά σε γενιά χωρίς τι τθερέλ μπαρέ αλλαγές σαρέ ανταλά μπρεσά».

•   Εμ ο Ιουδαίοι εμ ο Χριστιανοί σο κερένας αντιγραφή ι Γραφή, ατσσικιαρντέ μερικές αφηγήσεις σο σικαβένας ο μπαρέ λάθη σο κερντάς ο λαός ι Ντεβλέσκο. c (Αριθμοί 20:12· 2 Σαμουήλ 11:2-4· Γαλάτες 2:11-14) Επίσης, ατσσικιαρντέ μερικά λάφια σο σικαβένας ότι ο Ιουδαίοι να ντένας καν κο Ντεβέλ ντα ότι μερικά πράγματα σο σικλιαρένας μερικά τζενέ ισινέ λάθος. (Ωσηέ 4:2· Μαλαχίας 2:8, 9· Ματθαίος 23:8, 9· 1 Ιωάννη 5:21) Οντουλά τζενέ σο κερένας αντιγραφή ι Γραφή χωρίς τι αλλάνεν λάκε λάφια, σικαντέ καζόμ μπεσαλήδες ισινέ ντα καζόμ μπαρό σεβασμός τθερένας ι Ντεβλέσκε Λαφίσκε.

•   Να ισινέ λογικός ο Ντεβέλ, σο ντινάς πο πνεύμας για τι γραφίντιβελ η Γραφή, τι φροντίνελ τι αβέλ σωστή; d (Ησαΐας 40:8· 1 Πέτρου 1:​24, 25) Βοβ να ντινάς ι Γραφή για τι βοηθίνελ σάντε ι τζενέν κο πουρανέ μπρεσά, αλλά αμέν-ντα αντιβές. (1 Κορινθίους 10:11) Κι πραγματικότητα, «σαρέ οντουλά σο γραφισάλε κο πουρανέ μπρεσά γραφισάλε αμαρέ σικλιαριμάσκε, για τι τθεράς ελπίδα αντράλ κατά υπομονή σο κεράσα ντα αντράλ κατά παρηγοριά σο ντέλα η Γραφή».—Ρωμαίους 15:4

•   Ο Ιησούς ντα λέσκε μαθητές χρησιμοποιήνενας ο αντίγραφα κατά Εβραϊκές Γραφές ντα ισινέ σίγουροι ότι ο λάφια σο ισινέ γραμμέ οτθέ ισινέ σωστά.​—Λουκάς 4:16-21· Πράξεις 17:1-3.