«Ι ντουνιάς κερέλα-λες κουμάντος ο πφιρνό».​—1 Ιωάννη 5:19.

«Ο Τσσαβό ι Ντεβλέσκο αβιλό . . . για τι καταστραφίνελ σαρέ ανταλά μπέτι πράγματα σο κερέλα ο Μπενγκ».​—1 Ιωάννη 3:8.

Κα αγαβέν σόσκε ισί αζόμ μπουτ προβλήματα.​—Αποκάλυψη 12:12.

Κα αβέν σίγουροι ότι αμαρό ντουνιάς κα αλλάνελ ντα κα αβέλ λατσσό.​—1 Ιωάννη 2:17.

Βα, για μπουτ λόγους, αλλά αμέν κα ντικχάς τριν ντανέ:

• Η βασιλεία ι Σατανάσκι κα καταστραφίντιβελ σίγουρα. Ο Ιεχωβά ισί αποφασισμέ τι σταματίνελ ι Μπενγκές τι κερέλ κουμάντος ι τζενέν. Ντέλα πο λάφι ότι κα «καταστραφίνελ . . . ι Διαβολός» ντα κα διορθώνελ σαρέ ο προβλήματα σο αντάς ο Μπενγκ.​—Εβραίους 2:14.

• Ο Ντεβέλ τραμπιντάς ι Ιησούς Χριστός για τι κυβερνίνελ ι ντουνιάς. Ο Διάβολος σο κερέλα κουμάντος ανταλέ ντουνιάστε ισί άγριος ντα ντικχέλα σάντε πο νεαυτός, οκιά μπάνταρ όμως ο Ιησούς ισί μπουτ διαφορετικός. Ο Ντεβέλ ντέλα πο λάφι ότι η βασιλεία ι Ιησούσκι «κα τζιτζίνελ ι τσορορέσκε ντα οντουλέσκε σο να ντένα-λες σημασία . . . Κατά στεναχώρια ντα κατά ντουκχ κα σώνελ-λεν».​—Ψαλμός 72:13, 14.

• Ο Ντεβέλ να μπορίνελα τι βακερέλ ψέματα. Η Γραφή βακερέλα: «Ναστί αβέλα-πες τι βακερέλ ψέματα ο Ντεβέλ». (Εβραίους 6:18) Κάνα ο Ιεχωβά ντέλα πο λάφι για τι κερέλ κάτι, ισί σαρ τι αβιλό-πες! (Ησαΐας 55:10, 11) «Ο βασιλιάς ανταλέ ντουνιάσκο κα φουρτίντιβελ αβρί».​—Ιωάννης 12:31.