Σαρ Ντικχένα Οντουλά σο κα Αβέν Ανγκλ’ Αμέντε;
Πακιάνα ότι ο ντουνιάς αμαρό . . .
-
κα ατσσόλ αντικάς;
-
κα αβέλ χειρότερος;
-
κα αβέλ πιο λατσσό;
ΣΟ ΒΑΚΕΡΕΛΑ Η ΑΓΙΑ ΓΡΑΦΗ
«Ο Ντεβέλ . . . κα νασκιαρέλ σαρέ ο δάκρυα λένγκε γιακχίνταρ, ντα ο μεριπέ να κα αβέλ πάλι, ούτε λύπη ούτε βίκος ούτε ντουκχ να κα αβέν πάλι. Ο πουρανέ νασλέ σαρέ».—Αποκάλυψη 21:3, 4, Μετάφραση Νέου Κόσμου.
ΣΟ ΜΑΝΓΚΕΛΑ ΤΙ ΒΑΚΕΡΕΛ ΑΝΤΑΒΑ ΤΟΥΜΕΝΓΚΕ
Κα τθερέν εκ λατσσί μπουτί ντα κα αβέν ευτυχισμέ.—Ησαΐας 65:21-23.
Να κα αβέν νασφαλίματα, δηλαδή πασλίματα, ντα βάσανα.—Ησαΐας 25:8· 33:24.
Κα τζουβντιόν εκ ευτυχισμέ ζωή για πάντα τουμαρέ φαμιλιάσαρ ντα τουμαρέ αμαλέντζαρ.—Ψαλμός 37:11, 29.
ΜΠΟΡΙΝΑΣΑ ΤΙ ΠΑΚΙΑΣ ΟΝΤΟΥΛΑ ΣΟ ΒΑΚΕΡΕΛΑ Η ΑΓΙΑ ΓΡΑΦΗ;
Βα, για μπουτ λόγους, αλλά αμέν κα ντικχάς ντούι ντανέ:
-
Ο Ντεβέλ μπορίνελα τι κερέλ οντουβά σο βακερντάς. Κι Γραφή, σάντε ο Ιεχωβά Ντεβέλ βακέρντιβελα ο πιο ζουρανό, επειδή τθερέλα ι ζορ τι κερέλ-λεν σαρέ. (Αποκάλυψη 15:3) Οτθάρ, μπορίνελα σίγουρα τι ατσσικιαρέλ πο λάφι ντα τι κερέλ αμαρό ντουνιάς πιο λατσσό. Σαρ βακερέλα η Γραφή, «ο Ντεβέλ σαρέ μπορίνελα τι κερέλ-λεν».—Ματθαίος 19:26.
-
Ο Ντεβέλ μανγκέλα μπουτ τι κερέλ οντουβά σο βακερντάς. Για παράδειγμας, ο Ιεχωβά μανγκέλα αντράλ πι γκίσταρ τι ανέλ πάλι κι ζωή σαρέ ι τζενέν σο ισί μουλέ.—Ιώβ 14:14, 15.
Η Γραφή σικαβέλα ότι ο Τσσαβό ι Ντεβλέσκο, ο Ιησούς, κερντάς λατσσές ι νασφαλέν, ή γιαβέρτουλους ι πασλέν. Σόσκε κερντάς-λες ανταβά; Επειδή μανγκέλας τι κερέλ-λες. (Μάρκος 1:40, 41) Ο Ιησούς μανγκέλας μπουτ τι βοηθίνελ οντουλέν σο τθερένας ανάγκη, επειδή τθερέλας ακριβώς ο ίδιος χαρακτήρας πι Νταντέσαρ ντα κερέλας οντουβά σο κα κερέλας λέσκο Ντατ.—Ιωάννης 14:9.
Άρα, μπορίνασα τι αβάς σίγουροι ότι εμ ο Ιεχωβά εμ ο Ιησούς μανγκένα τι βοηθίνεν-αμέν τι τθεράς εκ λατσσί ζωή ανγκλ’ αμέντε!—Ψαλμός 72:12-14· 145:16· 2 Πέτρου 3:9.
ΣΚΕΦΤΙΝΕΝ
Σαρ κα κερέλ ο Ντεβέλ αμαρό ντουνιάς πιο λατσσό;
Η Γραφή ντέλα ι απάντηση κο εδάφια ΜΑΤΘΑΙΟΣ 6:9, 10 ντα ΔΑΝΙΗΛ 2:44.