Ked jekh manuš ovela objavitelj, ov pristajini i međunarodno versko organizacija ando e Jehovase svedokija – so uključini hem i lokalno skupština ando e Jehovase svedokija, i podružnica soj tani ko odova područje hem avera organizacije kola e Jehovase svedokija koristinena – premalo zakon te koristini olese lična podatkija premalo pe zakonska verska interesija. O objaviteljija dobrovoljno dena pe lična podatkija pe skupštinaće, sar soj tano opisimo ki knjiga Organizovano izvršavajmo Jehovinu volju, sar bi šaj te učestvujinen ko verska aktivnostija kola tane povezime odoleja te vaćeren andi olengi vera hem te šaj ko duhovno pogledi te dobinen podrška (1. Petrova 5:2).

Đi učestvujinena ko avera verska aktivnostija, o objaviteljija šaj te den pana disave podatkija e Jehovase svedokonenđe. Lična podatkija šaj te oven o anav hem o prezime, o datum ked hijan bijando, toklo pol (đuvli, murš), o datum ked krstinđan tut, kontakt informacije ja o informacije kola odnosinena pe ko duhovno stanje, ki služba ja andi uloga ki organizacija ando e Jehovase svedokija. Asavke lična podatkija obuhvatinena hem o informacije kola odnosinena pe ko objaviteljese verska ubeđenja hem šaj te uključinen hem avera poverljiva hem lična podatkija. Te koristina o lična podatkija značini te ćeda, te pisina, te organizujina, te arakha len hem avera buća kola koristinena pe te obradinen pe odola podatkija.

O zakon andi zaštita podataka ki akija phuv tano:

Zakon broj 78-17 ando 6. januar 1978.

Premalo akava zakon andi zaštita podataka, o objaviteljija dena dozvola e Jehovase svedokonenđe te koristinen olenge lična podatkija ko verska svrhe, so uključini hem akava:

• te učestvujinen ko disavo sastanko ki skupština ando e Jehovase svedokija ja ki disavi dobrovoljno aktivnost ja projekat.

• i odluka te učestvujini pe ko sastanak, pokrajnsko sastanak ja kongres kova snimini pe hem prenosini pe te šaj sa e Jehovase svedokonenđe te del pe duhovno pouka.

• te ćerel pe disavo zadatak ki skupština, so uključini te ćhivel pe anav ja zaduženje ki oglasno tabla ki dvorana ando e Jehovase svedokija.

• te vodinen pe o skupštinska kartice ando objaviteljija.

• i služba koja ćerena o starešine ando e Jehovase svedokija (Dela apostolska 20:28; Jakovljeva 5:14, 15).

• te pisini pe o kontakt informacije kola ka koristinen pe ko hitna slučaja.

O lična podatkija ka arakhen pe kobor god valjani, te šaj te ćeren pe o buća kola tane upre navedime ja odobor kobor o zakon odova rodela. Ako jekh objavitelj na mangela te potpisini o formulari Obaveštenje hem saglasnost te obradinen pe o lična podatkija, e Jehovase svedokija možda na ka šaj te proceninen da li tano jekh objavitelji sposobno te ćerel jekh buti ki skupština ja te učestvujini ki disavi versko aktivnost.

Ked valjani o lična podatkija šaj te bićhalen pe ki nesavi organizacija koja koristinena e Jehovase svedokija. O objaviteljija haljona so disave organizacije kola koristinena e Jehovase svedokija arakhena pe ko phuvja kase zakonija koristinena averćhane načinija te arakhen o lična informacije kotar i phuv ando kola tane bićhalde. Ama, o objaviteljija haljona so sa okola kola dobinena olenge lična podatkija, a odola šaj te oven o organizacije kola arakhena pe ko glavno sedište ando e Jehovase svedokija ko Sjedinjena Države, ka koristinen odola podatkija premalo Opšta pravilija andi privatnost ando e Jehovase svedokija.

O objaviteljija ked mangena šaj te dikhen pe lična podatkija, te roden te kosen pe ja te na obradinen pe hem šaj te ispravinen bilo koja nepravilnost ko lenge podatkija kola e Jehovase svedokija isi len. Ko svako trenutko o objaviteljija šaj te na oven više saglasna te koristinen pe olenge lična podatkija. Ako o objavitelj nane saglasno te koristinen pe olese lična podatkija, e Jehovase svedokija šaj hem ponodri isi len pravo te koristinen nesave ando odola podatkija hem bizi saglasnost premalo zakonska verska interesija ko kola tane te arakhen pe hem te obradinen pe o informacije kotar međunarodno članstvo ando e Jehovase svedokija hem premalo Zakon andi zaštita podataka. O objaviteljija đanena so isi len pravo te uložinen i žalba ko organi kova tano zadužimo te arakhi o lična podatkija ki phuv kuri akana bešena.

Te šaj te arakhen pe o lična podatkija e Jehovase svedokija koristinena razna procedure hem tehnička mere premalo Zakon andi zaštita podataka. O objaviteljija haljona so olenge lična podatkija šaj te dikhen samo nesave ovlastime manuša sar bi šaj te ispunini pe i svrha andi obrada podataka.

Sa o pućiba šaj te bićhalen pe e osobaće koja tani zadužimi te arakhi o lična podatkija ki akija adresa:

DataProtectionOfficer.PF@jw.org.

O objaviteljija haljona so o kontakt informacije andi osoba so ćerela e lično podatkijencar ki phuv kuri bešena hem kuri šaj, ando predstavniko hem osoba koja tani zadužimi te arakhi o lična podatkija, šaj te arakhen pe ki stranica Zaštita ando kontaktija ko sajt jw.org.

Sar so nakhela o vreme šaj te ovel te menjini pe o način ko kova obradinena pe o lična podatkija sebepi so menjinena pe amare verska aktivnostija, ja o zakon ja i tehnologija koja koristinaja. Ako ikad valjani te menjina i stranica Te koristinen pe o lična podatkija, sa o promene ka ćhiva ki akija stranica, te šaj o objaviteljija uvek te đanen kola informacije ćedaja hem sar koristinaja len. Molinaja tut disavo puti dikh da li diso menjinđa pe ki akija stranica.