E Jehovase svedokija mangena te pomožinen tut te sikljove andi Biblija. Ako proučineja i Biblija odova ka pomožini tut:

•   te ovel tut bahtalo životi

•   te ove e Devleso amal

•   te sikljove so i Biblija vaćeri andi budućnost

Akate ka dobinen o odgovorija ko akala pućiba:

•  Sar izgledini jekh biblijako kurs?

•  Da li valjani te platinav te šaj te sikljovav andi Biblija?

•  Kobor trajini o kurs?

•  Sar šaj te počminav te proučinav?

•  Šaj li samo te dikhav sar izgledini o proučibe?

•  Ako proučinava, da li odova značini so mora te ovav e Jehovaso svedoko?

•  Šaj li te koristinav mi Biblija?

•  Da li šaj te vićinav averen te oven ko mo kurs?

•  Ako angleder proučinđum i Biblija, da li šaj palem te proučinav?

•  Da li šaj kokri te proučinav i Biblija?

 Neko ando Jehovase svedokija ka pomožini tut pošukar te penđare i Biblija, tema pali tema. I knjiga Ov bahtalo zauvek! ka pomožini tut te sikljove so i Biblija ćaće sikavi hem ka dikhe sar šaj i Biblija već avdije te pomožini tut. Ako mangeja te đane pobuter, dikh akava video.

 Na. E Jehovase svedokija ićerena pe ko odova so o Isus phenđa pe učenikonenđe: „Besplatno dobinđen, besplatno hem den“ (Matej 10:8). O publikacije kola koristinena pe ko kurs, i knjiga Ov bahtalo zauvek! hem i Biblija, tane besplatna.

 Ki knjiga isi 60 lekcije. Kobor sigate ka ćerel pe jekh lekcija zavisini tutar. But manuša kola proučinena mangena svako kurko te nakhen jekh ja pobuter lekcije.

1.  1. Pher o formulari ko internet. Tumare podatkija ka koristinen pe samo te šaj neko ando Jehovase svedokija te posetini tumen.

2.  2. Neko ando Jehovase svedokija ka posetini tut ja ko disavo aver način ka ovel tuvaja ko kontakt. I osoba koja ka proučini i Biblija tuvaja ka objasnini tuće sar izgledini e biblijako kurs hem ka odgovorini ko sa te pućiba.

3.  3. Tu hem i osoba koja ka proučini tuvaja ka ćeren tumenđe jekh plani. Šaj te proučinen prekalo telefoni, prekali video-veza, prekalo lila ja mejl. O proučibe trajini oko jekh sati, ama šaj te ovel hem pohari ja pobuter vreme. Sa zavisini ando te okolnostija.

 Ja. Ako odova mangeja, pher o formulari ko internet. Ked ka vićini tut neko ando Jehovase svedokija, phravdo vaćer so samo mangeja te dikhe sar izgledini o proučibe hem da li tano odova tuće. Ov ja oj ka proučini tuvaja i brošura Ov bahtalo zauvek! ki koja isi samo trin lekcije. Palo odova, tu ka đane da li sviđini pe tuće te proučine.

 Na. E Jehovase svedokija mangena te pomožinen e manušenđe te sikljon andi Biblija, ama on nikas na ka ćhiven zorjeja te proučini hem te ovel e Jehovaso svedoko. Amen mangaja te podelina e manušencar odova so sikljiljam andi Biblija, ama poštujinaja svakoneso pravo te verujini ko odova so ov mangela (1. Petrova 3:15).

 Ja, šaj te koristine bilo kova prevod andi Biblija. Iako amen uživinaja te koristina o prevod Novi svet sebepi soj tano jasno hem tačno, đanaja so but manuša mangena te koristinen o prevod kova tano olenđe penđarutno.

 Ja. Šaj te vićine celo te porodica ja nekas ando te amala.

 Ja. Čak, akana šaj pana pobuter te uživine ko proučibe, sose sa tano ćerdo te ovel premalo e manušenge potrebe hem isi but videa.

 Ja. Iako but manuša pošukar sikljona ked neko pomožini len, isi hem but manuša kola mangena kokri te proučinen. Ko amaro sajt, ko deo Pomoć pri proučavanju Svetog pisma ka arakhe disave buća kola šaj te pomožinen tut te haljove i Biblija. Disave olendar tane:

•   Video-materijali. Ko akala tikne video-lekcije tane objasnine važna biblijake sikljoviba.

•   Pućiba hem odgovorija. Ko akala člankija ka arakhe o odgovorija ko but pućiba.