„Celo sveto tano ko e Lošnonese vasta“ (1. Jovanova 5:19, prevod Novi svet)

„E Devleso Ćhavo alo te uništini e Bengese delija“ (1. Jovanova 3:8)

Ka haljove sose isi problemija ko sveto (Otkrivenje 12:12)

Ka ovel tut razlog te verujine so akava sveto ka menjini pe ko pošukar (1. Jovanova 2:17)

Ja, ando najhari trin razlogija:

• E Bengesi vladavina tani osudimi ki propast. O Jehova odlučinđa te cidel e Bengestar olesi vlast koja isi le upro manuša. Ov obećinđa so ka „uništini... e Benge“ hem ka cidel sa i šteta koja o Beng ćerđa (Jevrejima 2:14).

• O Devel birinđa e Isuse Hriste te vladini upro sveto. O Isus tano potpuno averćhane ando akale svetoso vladari, kova tano okrutno hem sebično. O Devel vaćeri amenđe savo ka ovel o Isus sar vladari: „Ka sažalini pe upro jadna hem upro ćorore...Ka izbavini len ando manuša kola mangena te povredinen len hem kola mučinena len“ (Psalam 72:13, 14).

• O Devel našti te hovavi. I Biblija jasno phenela: „Nane moguće o Devel te hovavi“ (Jevrejima 6:18). Ked o Jehova obećini so diso ka ćerel, odova samći tano već ćerdo (Isaija 55:10, 11). „O vladari akale svetoso ka ovel fordimo“ (Jovan 12:31).