Jekh puti ko berš, ko celo sveto e Jehovaskere svedokija hem milionja soj tane kanime te aven, khedena pe te šaj te ikeren i Spomen-svečenost bašo e Isuseskoro meribe. Ola kerena adava soske agjaar o Isus zapovedingja (Luka 22:19). Akava nastan pomožinela amenge te haljova kobor tano važno adava so o Isus dengja plo životo e manušenge. Isto agjaar, pomožinela amenge te haljova sar šaj te koristinel amenge leskiri žrtva — akana hem ki idnina (Jovan 3:16).

 Bizi razlika, dali sian sine prisutno akava berš ki Spomen-svečenost ili na, sar šaj lično tuke te koristinel e Isuseskiri žrtva? O Isus vakergja te kera duj važna bukja:

1.  1. Te sikljova bašo Devel hem bašo Isus. Ki jekh prilika, keda molingja pe ple nebesno Dadeske, o Isus vakergja: „Te šaj te ovel len večno životo valjani šukar te pendžaren tut, e jekhe čačutne Devle, hem okole so bičhalgjan le, o Isus Hristos“ (Jovan 17:3).

2.  2. Te živina sprema adava so sikljovaja. O Isus istakningja kaj valjani te živina sprema adava so ov sikavgja. Na primer, i pendžardi Propoved ki gora završingja la agjaar so pofalingja sekole so „šunela [leskere] lafija hem postapinela sprema lende“ (Luka 6:46-48). Ki javer da prilika vakergja nešto slično: „Ako džanena akala bukja, bahtale sien keda kerena len“ (Jovan 13:17).

 Dali mangea te doznajne nešto poviše bašo Devel hem bašo Isus? Dali bi mangea te džane nesave praktična sovetija kola so ka pomožinen tut te živine sprema adava so ov sikavgja? Ake so šaj te pomožinel tuke.

 Amaro besplatno biblisko kursi pomožingja bute manušenge pošukar te pendžaren i Biblija hem te počminen te živinen sprema late.

•   Te šaj te doznajne nešto poviše, dža ki stranica Biblisko kursi.

•   Te šaj te doznajne sar izgledinela jekh biblisko kursi e Jehovaskere svedokoncar, dikh o videoklipi Šukar aljan ko tlo biblisko kursi.

 E Jehovaskere svedokija ikerena sostanokija duj puti ko kurko ko pumare sale. Ko adala sostanokija razgledinaja teme tari Biblija hem sikljovaja sar te primenina lakere sikajba ko amaro životo.

 Ko amare sostanokija šaj sarine te aven, na valjani te ove e Jehovaskoro svedoko te šaj te prisustvujne ki lende. Sa zavisinela taro lokalna okolnostija dali šaj te ove prisutno fizičko ili preku videokonferencija.

•   Dikh o videoklipi So kerela pe ki e Jehovaskere svedokongiri dvorana? te šaj te dikhe sar izgledinena amare sostanokija.

•   Te šaj te doznajne kote najpaše ikerena pe sostanokija, dža ki stranica Sostanokija.

 But statie hem videoklipija so isi ki akaja internet-stranica šaj te pomožinen tuke te doznajne nešto poviše bašo e Isuseskere sikljojba hem bašo adava kobor tani vredno i žrtva so dengja la.

 Na primer, te šaj te doznajne sar šaj o meribe jekhe manušeskoro te koristinel bute manušenge, čitin o statie „Sar spasinela amen o Isus?“ hem „Zošto Isus stradal i umrel?“ ili dikh o videoklipi Soske mulo o Isus?