Manuša taro celo sveto osetinena pe osamena hem dur taro javera. Nesave stručnjakija bašo sastipe mislinena kaj jekh buti so šaj te pomožinel nekaske te na osetinel pe osameno tano adava so ka pomožinel e javerenge.

•   „Adava so ka pomožina adalenge kaske so valjani pomoš ka pomožinel amenge te na osetina amen osameno hem dur taro javera“ (Amerikansko državno instituti bašo sastipe).

 Ki Biblija isi praktična sovetija sar šaj te pomožina e javerenge. Adalea so ka primenina adava so pišinela ki late ka pomožinel amenge te borina amen keda osetinaja amen osamena.

 Ov darežlivo. Rode prilike te nakhave vreme e javerencar, posebno ko živo. Ov spremno te deline adava so isi tut. Ako kerea adava, ola šaj ka oven tuke blagodarna, a agjaar šaj te oven amala.

•   Biblisko načelo: „Den, hem o manuša ka den tumen“ (Luka 6:38).

 Koristin tli sila te pomožine e javerenge. Rode načinija sar te pomožine e javerenge keda nakhena taro phare vremija. Tegani, šaj ka valjani šukar te šune len ili praktično te pomožine len te šaj te kere polokho te ovel lenge.

•   Biblisko načelo: „O čačutno amal sikavela mangipe ko sekova vreme“ (Izreki 17:17).

 Nešto poviše bašo adava sar te ove popaše e javerencar šaj te čitine ki statija „Odnosi so semejstvoto i prijatelite“.