Džikote sine ki phuv, o Isus sikavgja baro mangipe e manušenge, posebno e čorolenge hem okolenge so sine len bare muke (Matej 9:36). Ov čak dengja plo životo sar žrtva e javerenge (Matej 20:28; Jovan 15:13). Panda hari ov palem ka sikavel mangipe e manušenge agjaar so ka koristinel plo avtoriteti hem mokj sar Cari ko e Devleskoro Carstvo hem ka čhivel krajo bašo čorolipe ki celi phuv.

 I Biblija but šuže lafencar vakerela so ka kerel o Isus:

•   „Neka braninel okolen so cidena muke, neka spasinel e čorolengere čhaven“ (Psalm 72:4).

 Sar šaj te sikava kaj ceninaja sa adava so o Isus kergja hem so ka kerel amenge? Ko Luka 22:19, o Isus vakergja ple sledbenikonge te setinen pe ko leskoro meribe. Adaleske, jekh puti ko berš e Jehovaskere svedokija khedena pe te šaj te setinen pe ko e Isuseskoro meribe. Kaninaja tut te ove zaedno amencar keda ka setina amen ko e Isuseskoro meribe. Adava nastan ka ikerel pe nedela, 24 mart, 2024 berš.

Arakh kote ka ikerel pe i Spomen-svečenost