Ka dživdinen li palem o mule?
So ka vakere...
-
oja?
-
na?
-
šaj?
SO VAKERELA I BIBLIJA
„Sa okola so i ko grobo... ka ušten“ (Jovan 5:28, 29).
SO ZNAČINELA AKAVA TUKE
Uteha keda ka merel nekoj so mangea le (2. Korinkjanite 1:3, 4).
Nane te dara taro meribe (Evreite 2:15).
Ka šaj palem te ove te manglencar so mule (Dela 24:15).
ŠAJ LI TE VERUNJA E BIBLIJAKE?
Oja, najhari taro trin pričine:
-
O Devel dengja dživdipe sarinenge. I Biblija vakerela kaj taro Jehova o Devel avela o dživdipe (Psalm 36:9; Dela 17:24, 25). Šaj te ova sigurna, kaj okova so dengja dživdipe sarinenge, šaj palem te iranel ko dživdipe okolen so mule.
-
O Devel angleder da vazdingja disave mulen. Ki Biblija pišinela bašo ofto manuša — terne, phure, murša hem džuvlja — so sine vazdime taro mule te šaj palem te dživdinen ki Phuv. Disave sine vazdime sigate palo lengoro meribe, a jekh sine mulo čak štar dive! (Jovan 11:39-44).
-
O Devel edvaj adžikerela palem te kerel adava. O Jehova mrzinela o meribe; ov dikhela le sar jekh dušmani (1. Korinkjanite 15:26). E Devle isi le bari želba te pobedinel akale dušmane, te cidel o meribe agjaar so ka vazdel e mulen. Ov but mangela te iranel ko dživdipe adale manušen so na bistrela len, te šaj palem te dživdinen ki Phuv (Jov 14:14, 15).
RAZMISLIN
Soske phujrovaja hem meraja?
O odgovor tari Biblija bašo akava pučibe ka arakhe ki 1. MOJSEEVA 3:17-19 hem RIMJANITE 5:12.
Šaj isto ka interesinel tut
OSNOVNA BIBLISKA SIKLJOJBA
So ovela e manušencar palo meribe?
I Biblija vetinela kaj ka avel vreme keda but manuša ka voskresninen sar o Lazar.
ODGOVOR BAŠO BIBLISKA PUČIBA
Soj tano o voskresenie?
Šaj ka iznenadine tut koj sa ka voskresninel ki idnina.
AMENGE
Soske te sikljove tari Biblija?
I Biblija pomožinela bute manušenge ko celo sumnal te arakhen odgovorija bašo najvažna pučiba. Mangea li tuke da te pomožinel?
