Уводија башо библиска лила
Ко акала кратка видеоклипија иси важна информацие башо библиска лила. Ола ка поможинен тут те џане повише кеда лично читинеа хем проучинеа и Библија.
Увод башо лил 1. Мојсеева
О лил 1. Мојсеева керела лафи башо адава сар уле о мануша хем соске цидаја муке хем мераја.
Увод башо лил 2. Мојсеева
О Девел ослободинѓа е Израелцон таро ропство ко Египет хем организиринѓа лен ки јекх нација.
Увод башо лил 3. Мојсеева
Дикх сар о лил 3. Мојсеева опишинела кај о Девел тано свето хем соске тано важно амен да те ова света.
Увод башо лил 4. Мојсеева
Дикх кобор тано важно те ова послушна е Јеховаске хем те сикава кај поштујнаја околен со биринѓа лен те предводинен.
Увод башо лил 5. Мојсеева
Дикх сар таро Закони со денѓа о Јехова е Израелцонге дикхела пе сине лескоро баро мангипе спрема лескоро народо.
Увод башо лил Исус Навин
Дикх сар о Израелција освојнѓе хем делинѓе и пхув со денѓа лен о Девел.
Увод башо лил Судиите
Дознајн повише башо храбра судие, колен со о Јехова користинѓа те шај те спасинен лескере народо таро душмања.
Увод башо лил Рут
О лил Рут сикавела сар јекх терни удовица сикавѓа мангипе пле сасаке која со исто сине удовица, хем сар о Јехова наградинѓа е солдујен.
Увод башо лил 1. Самоилова
Дикх о време кеда ко пурано Израел о Јехова на користинела сине више судие те поможинел пле народоске, наместо адава дозволинѓа те владинен царија.
Увод башо лил 2. Самоилова
Дикх сар е Давидескири понизност хем вера керѓе ле те овел најмангли хем најпенџарди библиско личност.
Увод башо лил 1. Царевите
Дикх сар е Израелцон сине лен бут шужо живото џикоте владинела сине о Соломон хем сар пало адава сине лен баре проблемија хем муке соске делинѓе пе ко дуј царствија, Израел хем Јуда.
Увод башо лил 1. Летописи
Дикх и фамилијарно лоза хем о возбудливо живото е царескоро е Давидескоро кова со хор поштујнела сине е Девле.
Увод башо лил 2. Летописи
Дикх сар и историја е царенгири тари Јуда истакнинела кобор тано важно те ачхова верна е Девлеске.
Увод башо лил Езра
О Јехова исполнинѓа по ветување кај ка ослободинел пе народо таро Вавилон хем ка иранел о чачутно обожавање ко Ерусалим.
Увод башо лил Неемија
О библиско лил Неемија дела важна поуке адаленге со мангена те служинен е Девлеске ко исправно начин.
Увод башо лил Естира
О настанија со случинѓе пе ко време е Естиракоро ка зајакнинел амари вера ко Јехова кај ов шај те спасинел пе народо кеда иси ле неволја.
Увод башо лил Јов
Сарине со мангена е Јехова ка овел лен искушенија. О лил Јов сикавела аменге кај шај те ачхова верна хем те поддржина е Девлескоро право те владинел.
Увод башо лил Псалми
О лил Псалми сикавела е Јеховаскири врховно власт, поможинела хем дела надеж адаленге со мангена ле, хем сикавела сар лескоро Царство ка сменинел о свето.
Увод башо лил Изреки
Ко лил Изреки иси советија таро Девел башо са о буќа ко амаро живото, сар на пример баши бути хем баши фамилија.
Увод башо лил Проповедник
О цари о Соломон истакнинела кола буќа тане важна ко живото хем керела разлика машкар ленде хем о буќа сој против е Девлескири мудрост.
Увод башо лил Песна над песните
О верно мангипе машкар и Суламка хем о пастири опишиме тане сар „јаг таро Јах“. Соске?
Увод башо лил Исаија
О лил Исаија тано лил со иси ле сигурна пророштвија кола бајрарена амари доверба ко Јехова сар Девел кова со исполнинела пле ветувања хем Девел со спасинела амен.
Увод башо лил Еремија
О Еремија верно керѓа пли задача сар пророко иако сине леске бут пхаро. Размислин сар акава пример шај те користинел аменге авдиве.
Увод башо лил Плач Еремиин
О лил Плач Еремиин пишинѓа ле о пророко о Еремија хем ки лесте тани опишими и дукх адалеске со сине уништимо о Ерусалим хем сикавела сар о Јехова сикавела милост адаленге со кајнена пе.
Увод башо лил Езекиел
О Езекиел понизно хем храбро керела сине о задаче со дела лен леске сине о Јехова, бизи разлика кобор сине пхаре. Лескоро пример шај те поможинел авдиве аменге да.
Увод башо лил Даниел
Ко секова испит, о Даниел хем лескере амала ачхиле верна е Јеховаске. Ленгоро пример хем о пророштвија со исполнинѓе пе шај бут те поможинен аменге ко последна диве
Увод башо лил Осија
О Осија денѓа амен важна поуке баши е Јеховаскири милост спрема о грешникија со каинена пе хем сар ваљани исправно те обожавина ле.
Увод башо лил Јоил
О пророко о Јоил пророкујнѓа о баро хем страшно диве е Јеховаскоро хем вакерѓа сар шај те спасина амен. Лескоро пророштво бут тани важно авдиве.
Увод башо лил Амос
О Јехова користинѓа акале понизно мануше баши јекх важно бути. Сави важно поука шај те сикљова таро о пример е Амосескоро?
Увод башо лил Авдија
О лил Авдија тано најтикно ко Хебрејска списија. Акава пророчко лил дела надеж хем сикавела кај ка докажинел пе е Девлескоро право те владинел.
Увод башо лил Јона
Таро лил Јона дикхаја сар акава пророко прифатинѓа укор, сар керѓа пли задача хем сар добинѓа силно поука баши е Девлескири милост хем верно мангипе.
Увод башо лил Михеј
Акава лил колесте иси пророштвија со денѓа лен о Девел шај те уверинел амен кај о Јехова мислинела аменге о најшукар хем на родела амендар нешто со нашти те кера.
Увод башо лил Авакум
Шај те ова сигурна кај о Јехова џанела сар хем кеда те спасинел пле народо.
Увод башо лил Агеј
Акава пророштво истакнинела кобор тано важно те чхива и служба башо Јехова англедер амаре интересија.
Увод башо лил Захарија
Бут визие хем пророштвија охрабринѓе е Девлескере народо ко пурано време. Адала пророштвија уверинена аменде да кај о Јехова поддржинела амен.
Увод башо лил Малахија
Ко акава пророчко лил керела пе лафи башо мангипе, милост хем башо начелија е Јеховаскере со на менинена пе. Лестар шај те икала бут важна поуке башо амаро време.
Увод башо лил Матеј
Сикљов несаве основна фактија башо акава евангелие.
Увод башо лил Марко
О извештај таро Марко, кова тано најтикно таро са о евангелија, сикавела аменге со ка керел о Исус сар Цари ко е Девлескоро Царство.
Увод башо лил Лука
Кола информацие иси само ко евангелие таро Лука?
Увод башо лил Јован
Ко евангелие таро Јован истакнимо тано кобор о Исус мангела е манушен, кобор тано понизно хем сар дикхела пе кај ов тано Месија, о цари ко е Девлескоро Царство.
Увод башо лил Дела
О христијања ко прво веко денѓе пестар са те шај те поможинен е манушенге таро са о народија те овен е Христосескере ученикија. Акава лил шај те поможинел туке да те овел тут побари ревност хем воодушевеност ки служба.
Увод башо лил Римјаните
Водимо таро свети дух, о Павле пишинѓа кај о Јехова тано непристрасно хем башо адава кобор тано важно те овел амен вера ко Исус Христос.
Увод башо лил 1. Коринќаните
Водимо таро свети дух, о Павле денѓа советија башо јекхипе, морално чистота, мангипе хем вера ко воскресение.
Увод башо лил 2. Коринќаните
О Јехова тано „Девел секоле утехакоро“, дела сила хем поддржинела пле слуген.
Увод башо лил Галатите
О писмо таро апостол Павле џи ко Галатите тано исто аѓаар корисно башо христијања авдиве сар со сине ко прво веко. Шај те поможинел сариненге те ачхова верна е Девлеске.
Увод башо лил Ефешаните
Таро акава писмо дикхаја кај о Девел иси ле намера те анел мир хем јекхипе преку о Исус Христос.
Увод башо лил Филипјаните
Ако ачховаја верна ко неволје, адава шај те поттикнинел е јаверен да те ачховен верна е Девлеске.
Увод башо лил Колошаните
Шај те угодина е Јеховаске аѓаар со ка икера адава со сикљоваја, аѓаар со спремно ка простина хем аѓаар со ка поштујнаја и власт хем и положба е Исусескири.
Увод башо лил 1. Солуњаните
Мора те ачхова духовно џангавде, те испитина са те шај те уверина амен ко чачипе, те молина амен секогаш хем те охрабрина амен јекх јекхеа.
Увод башо лил 2. Солуњаните
О Павле исправинела јекх погрешно дикхибе поврзимо адалеа кеда ка авел е Јеховаскоро диве, хем поттикнинела е пхрален те ачховен цврста ки вера.
Увод башо лил 1. Тимотеј
О апостол Павле пишинѓа о 1. Тимотеј те шај те дел упатствија сар те организиринен пе о буќа ко собрание, хем те дел пе предупредување башо ховавне сикљојба хем о мангипе спрема о паре.
Увод башо лил 2. Тимотеј
О Павле поттикнинѓа е Тимотее целосно те керел пли служба.
Увод башо лил Тит
О писмо со бичхалѓа ле џи ко Тит пишинела башо проблеми со сине ко собрание ко Крит хем башо особине со ваљани те овен е пхрален кола со мангена те служинен сар старешине.
Увод башо лил Филимон
Акава кратко, ама важно писмо, иси ле практична советија баши понизност, љубезност хем простибе
Увод башо лил Евреите
О чачутне христијања обожавинена е Девле ко бут пошукар начин таро пуране Израелција колен со сине лен о дословно храми хем користинена сине животинска жртве.
Увод башо лил Јаков
О Јаков користинѓа поучна споредбе те шај те истакнинел несаве важна начелија спрема кола ваљани те живинен о христијања.
Увод башо лил 1. Петрово
Ко 1. Петрово сием поттикниме са амаре силенцар те служина е Јеховаске хем са амаре гриже те фрда лен леске.
Увод башо лил 2. Петрово
Ко акава писмо о Петар поттикнинела амен те ачхова верна џикоте аџикераја о симболично нево небо хем неви пхув.
Увод башо лил 1. Јованово
О Прво Јованово предупрединела амен те аракха амен таро антихристија хем поможинела аменге те дикха со ваљани те манга, а со на.
Увод башо лил 2. Јованово
О Дујто Јованово поттикнинела амен те живина спрема е Девлескере заповедија хем те аракха амен таро окола со бут ховавена.
Увод башо лил 3. Јованово
Е Јованескоро трито писмо сикавела амен кај ваљани те ова гостопримлива.
Увод башо лил Јуда
О Јуда откринела околен со мангена те анен о ховавне сикљојба хем те завединен е христијанен.
Увод башо лил Откровение
О драматична визие таро лил Откровение опишинена сар о Девел преку пло Царство ка исполнинел пли намера е манушенцар хем е Пхувјаја.
Увод баши Библија
Дикх сар секова лил тано поврзиме е главно темаја — те фалинел пе е Јеховаскоро свето анав преку лескоро Царство колесте со о Исус Христос тано Цари.