„И Библија шај те овел досадно ако на читинеа ла ко исправно начин“, вакерела јекх тинејџери со викинела пе Вил.

 Дали мангеа те џане сар шај те уживине ко читибе и Библија? Акаја статија ка поможинел туке ко адава.

•  Замислин туке адава со читинеа

•  Истражин!

•  Со вакерена јавера терне

 Те шај те замислине туке адава со читинеа шај те пробине акала буќа:

1.   Бирин несаво библиско извештај со мангеа те проучине. Адава шај те овел несаво библиско настан, јекх дело таро евангелија или снимка таро драмско читибе и Библија ки амари интернет страна, jw.org.

2.   Читин адава дело тари Библија. Шај те читине ле коркори или ко гласо тле амаленцар или тле фамилијаја. Јекх џено шај те овел о раскажувачи, а о јавера шај те делинен пе ко улоге.

3.   Пробин несаве таро акала предлогија:

   •   Цртин адава со читинеа, на пример некоборе сликенцар сикав ко кова редо случинѓе пе о настанија. Тели секоја слика кратко пишин со случинела пе.

   •   Цртин јекх шема таро адава со читинеа. На пример, џикоте читинеа баши несави позитивно личност тари Библија, поврзин лакере шукар особине хем постапке адалеа саве берекетија добинѓа.

   •   Кер репортажа. Известин башо настанија таро некобор стране хем „интервјуирин“ е главно ликон хем околен со сине присутна ко адава настан.

   •   Ако несаво лико на анѓа мудро одлука, замислин поразлично крајо. На пример, размислин баши ситуација кеда о Петар одрекујнѓа пе таро Исус (Марко 14:66-72). Сар шај сине о Петар пошукар те реагиринел кеда сине ко притисок?

   •   Ако авена туке идее, прифатин о предизвик те пишине тли драма која со темелинела пе ко несаво библиско извештај. Вакер хем кола поуке шај те сикљовен пе таро адава (Римјаните 15:4).

 Ако шукар пазинеа ко деталија ка аракхе несаве гаравде бисерија. Уствари, понекогаш јекх или дуј лафија ко несаво библиско извештај шај те откринен аменге бут неве информацие.

 На пример, споредин Матеј 28:7 хем Марко 16:7.

•    Соске о Марко посебно истакнинѓа кај о Исус ка појавинел пе е учениконге „хем е Петареске“?

•  Тикни помош: О Марко на сине присутно ко акала настанија. Најверојатно, ов дознајнѓа таро Петар со случинѓа пе.

•  Гаравдо бисери: Соске о Петар сине утешимо кеда шунѓа кај о Исус мангела те дикхел ле? (Марко 14:66-72). Сар о Исус сикавѓа кај тано чачутно амал е Петареске? Сар шај ту да сар о Исус те ове чачутно амал?

 Кеда замислинеа туке о библиско извештај хем истражинеа о деталија, панда повише ка уживине ко читибе и Библија.