Џикоте сине ки пхув, о Исус сикавѓа баро мангипе е манушенге, посебно е чороленге хем околенге со сине лен баре муке (Матеј 9:36). Ов чак денѓа пло живото сар жртва е јаверенге (Матеј 20:28; Јован 15:13). Панда хари ов палем ка сикавел мангипе е манушенге аѓаар со ка користинел пло авторитети хем моќ сар Цари ко е Девлескоро Царство хем ка чхивел крајо башо чоролипе ки цели пхув.

 И Библија бут шуже лафенцар вакерела со ка керел о Исус:

•   „Нека бранинел околен со цидена муке, нека спасинел е чороленгере чхавен“ (Псалм 72:4).

 Сар шај те сикава кај ценинаја са адава со о Исус керѓа хем со ка керел аменге? Ко Лука 22:19, о Исус вакерѓа пле следбениконге те сетинен пе ко лескоро мерибе. Адалеске, јекх пути ко берш е Јеховаскере сведокија кхедена пе те шај те сетинен пе ко е Исусескоро мерибе. Канинаја тут те ове заедно аменцар кеда ка сетина амен ко е Исусескоро мерибе. Адава настан ка икерел пе недела, 24 март, 2024 берш.

Аракх коте ка икерел пе и Спомен-свеченост