Џикоте сине ки пхув, о Исус сикавѓа кобор бут мангела е манушен, со чак сине спремно те жртвујнел пло живото ленге (Матеј 20:28; Јован 15:13). Панда хари, палем ка сикавел пло мангипе аѓаар со ка користинел пли положба сар Цари ко е Девлескоро Царство те шај те чхинавел „о војне ки цели пхув“ (Псалм 46:9).

 Дикх сар и Библија објаснинела адава со ка керел о Исус:

•   „Ка спасинел е чороле со ровела баши помош... хем секас со нане ле кој те поможинел ле. Ка перел леске жал е бедно манушеске хем е чоролеске, хем ка аракхел о живото е чороленгоро. Ка спасинел лен таро малтретирибе хем насилство“ (Псалм 72:12-14).

 Сар шај те сикава кај ценинаја са адава со керѓа хем адава со ка керел аменге о Исус ки иднина? Ко Лука 22:19, о Исус вакерѓа пле следбениконге те сетинен пе ко лескоро мерибе. Адалеске, секова берш е Јеховаскере сведокија кхедена пе те шај те сетинен пе ко е Исусескоро мерибе. Канинаја тут те ове заедно аменцар кеда ка сетина амен ко е Исусескоро мерибе. Адава настан ка икерел пе недела, 24 март, 2024 берш.

Аракх коте ка икерел пе и Спомен-свеченост