Koda, ko ačhel o zvestovaťeľis, džanel, hoj e organizacija le Jehovaskere svedki, so kerel buťi pal calo svetos – (dureder ča „Le Jehovaskere svedki“) – čiže o zboros, o Betel andre kodi phuv, the aver organizacije, so keren buťi jekhetane le Jehovaskere svedkenca – šaj kerel le osobne udajenca pro legitimna naboženska buťa. O zvestovaťeľa korkore the lačhe jileha den peskere osobna udaji peskere zboroske, pal kada, so pes pisinel andre kňižka Organizovaní, aby sme konali Jehovovu vôľu, kaj te šaj keren o naboženska buťa, savenca ucťjevinen le Devles, a kaj šaj pes pal lende mištes duchovňe te starinel. (1. Petra 5:2)

Osobna udaji hine o menos, kana o manuš uľiľa, či hino murš abo džuvľi, kana pes diňa te bolel, o kontakti, a tiš o informaciji pal oda, sar pes leske duchovňe darinel, so kerel andre služba abo save buťa chudľa andre organizacija le Jehovaskere svedkengeri, abo aver osobna udaji le dženeske saves prindžares abo les šaj pal oda sprindžares, abo tiš aver osobna udaji, save kampel, kaj te keren varesavi aver buťi andro zboros. Kala udaji šaj en the o informaciji pal oda, andre soste o zvestovaťeľis paťal, abo the aver citliva osobna udaji. Kada, hoj vareso keras le osobne udajenca, znameňinel, hoj len skidas, zapisinas, das andre kopa, uložinas a kajse podobna veci.

O zakonos pal e ochrana le osobne udajenge andre kadi krajina hin:

Personal Data Protection Law, Official Gazette of the RNM No. 42 from 16.02.2022.

Pal kala pravna predpisi pal e ochrana le osobne udajenge le Jehovaskere svedki použivinena o osobna udaji pro naboženska činnosťi, čiže ajse činnosťi, sar napriklad kada:

• te uľikerel a te ľidžal e vjera le Jehovaskere svedken

• te kerel vareso andro zboros pro zhromažďeňa le Jehovaskere svedken a te kamel te kerel o dobrovoľňicka aktiviti abo projekti le zboroha

• te dobrovoľňe phirel pro zhromažďeňa the pro zjazdi, save pes nahravinen a bičhaven dureder, kaj pes duchovňe te sikaven le Jehovaskere svedki pal calo svetos

• te kerel andro zboros o buťa, save chudle

• te pes kerena o zaznami pre karta Správa zborového zvestovateľa

• te o starši andro zboros le Jehovaskere svedkengero kerena e pasťjersko buťi the duchovňe pes starinena (Skutki 20:28, Jakub 5:14, 15)

• te dena peskere kontaktna udaji pre kada, te pes ačhela varesavi bibacht

O osobna udaji peske mukhaha ajci but časos, keci kampela pro učeli, pal save pes pisinel upreder, abo pro aver zakonna učeli, sar hin te dodikhel sar pes doľikeren o zakoni. Te pes o dad e daj abo aver dženo, savo dodikhel pro čhavo, saveske mek nane 18 berš, rozhodňinela, hoj na podpisinela o formularis O oznamos pal e ochrana le osobne udajen the o suhlasos, kaj pes lenca šaj kerela, so kampela, le Jehovaskere svedki našťi phenen, či šaj ajso zvestovaťeľis kerel varesave buťa andro zboros abo či šaj kerel varesave naboženska činnosťi.

Le Jehovaskere svedki keren e buťi pal calo svetos. Šaj pes ačhel, hoj osobna udaji varesave zvestovaťeľiske ena bičhade abo preande abo uložimen pre aver krajina, sar hine akana. Šaj en the andro krajini, savengere zakoni zaručinen aver ochrana le udajen, sar e krajina, andal savi sas kala udaje dine. Le Jehovaskere svedki keren sa predal kada, kaj te chraňinen osobna udaji, save sas avka preande. Paš oda doľikeras o zakoni, save hin pre kada kerde. Savore, so keren buťi andre Calosvetovo nabožensko organizacija le Jehovaskere svedken, použinena osobna udaji le zvestovaťeľen avka, sar phenen o predpisi Sar pes chraňinen tumare osobna udaje andre organizacija le Jehovaskere svedkengeri, dokumentos platno pro calo svetos.

Le zvestovaťeľen hin pravos te dochudel o udaji, save peske pal lende mukhen le Jehovaskere svedki, hin len pravos te mangel, kaj pes te vimazinen avri, kaj pes te obmedzinel, so pes lenca šaj kerel the šaj prikeren oda, so hin andre ola udaji nalačhes. Te o zvestovaťeľis diňa suhlasis, hoj šaj keras leskere osobna udajenca, kaj te kerel aver buťa, šaj chočkana zrušinen o suhlasis, kaj pes lenca imar te na kerel ňič. Te o zvestovaťeľis zrušinela kada suhlasis abo kamela les te vimazinel, abo phenela, so šaj keras a so našťi keras leskere udajenca, le Jehovaskere svedkenge o zakonos domukhel varesave osobna udaji te použivinel dureder, te oda kampela andro legitimna naboženska dvovodi abo aver dvovodendar, pal savo vakerel o zakonos pal e ochrana le osobne udajenge. O zvestovaťeľa džanen, te kaleha na suhlašinen, šaj pes visaren pro urados, so pre kada dodikhel, andre lengeri phuv.

Le Jehovaskere svedki priile o proceduralna the technicka opatreňa pre ochrana le osobne udajenge, avka, sar phenel o zakonos pal e ochrana le osobne udajenge. O zvestovateľa džanen, hoj lengere osobna udaji šaj dochuden ča paru (vajkeci) opravňena manuša a hoj pes lenca kerela ča kavka the pre oda, sar sas pisimen. Kada na plaťinel pre olende, saven hin ulohi pro zhromažďeňa.

Te vareko kamel vareso pal e ochrana le osobne udajen te phučel, mi pisinel ole dženeske, so dodikhel pre ola osobna udaji pre adresa:

DataProtectionOfficer.MK@jw.org

O zvestovaťeľa achaľon oleske, hoj e totožnosť the o kontaktos pre oda dženo, so dodikhel pre osobna udaji andre krajina, kaj dživen (the odoj, kaj pes oda del) a tiš e totožnosť the o kontakti pro leskere zastupci, a tiš pro dženo, so koleha kerel a dodikhel pre ochrana le osobne udajenge, peske šaj arakhen andre Kontakti – e ochrana le osobne udajenge pre internetovo stranka jw.org.

Oda, so the sar keras le osobne udajenca pes šaj zmeňinel, vašoda, hoj pes šaj zmeňinel vareso andre amari nabožensko činnosť, andre zakoni abo oda, sar pes použivinen o technicka prostrjedki. Te pes kajse zmeni kerena, daha pal oda te džanel pre kadi stranka. O zvestovaťeľa kavka furt šaj džanena oda, save udaji amenge mukhas the so lenca keras. Dikhen tumenge varekana kadi stranka, kaj tumen te dodžanen, či pes vareso na zmeňinďa.