Koda, ko ačhel o zvestovaťeľis, džanel, hoj e organizacija le Jehovaskere svedki, so kerel buťi pal calo svetos – (dureder ča „Le Jehovaskere svedki“) – čiže organizacija Christian Church of Jehovah’s Witnesses in Colombia, the o zboros, the o Betel andre kodi phuv, the aver organizaciji, so keren buťi jekhetane le Jehovaskere svedkenca – šaj kerel le osobne udajenca pro legitimna naboženska buťa. O zvestovaťeľa korkore the lačhe jileha den peskere osobna udaji peskere zboroske, pal kada, so pes pisinel andre kňižka Organizovaní, aby sme konali Jehovovu vôľu, kaj te šaj keren o naboženska buťa, savenca ucťjevinen le Devles, a kaj šaj pes pal lende mištes duchovňe te starinel. (1. Petra 5:2)

Osobna udaji hine o menos, kana o manuš uľiľa, či hino murš abo džuvľi, kana pes diňa te bolel, o kontakti, a tiš o informaciji pal oda, sar pes leske duchovňe darinel, so kerel andre služba abo save buťa chudľa andre organizacija le Jehovaskere svedkengeri, abo tiš aver osobna udaji, save kampel, kaj te keren varesavi aver buťi andro zboros. Kala udaji šaj en the o informaciji pal oda, andre soste o zvestovaťeľis paťal, abo the aver citliva osobna udaji, save kamel te del, sar hin udaji pal leskero sasťipen, pal o seks, abo pal leskere čhave. Kada, hoj vareso keras le osobne udajenca, znameňinel, hoj len skidas, zapisinas, das andre kopa, uložinas a kajse podobna veci.

O zakonos pal e ochrana le osobne udajenge andre kadi krajina hin:

The Law on the Protection of Personal Data (Law 1581 of 2012) and its regulatory decrees

Pal kala pravna predpisi pal e ochrana le osobne udajenge, o zvestovaťeľa, save domukhena le Jehovaskere svedkenge te použivinel lengere osobna udaji pro naboženska činnosťi, čiže ajse činnosťi, sar napriklad kada:

• te uľikerel a te ľidžal e vjera le Jehovaskere svedken

• te kerel vareso andro zboros pro zhromažďeňa le Jehovaskere svedken a te kamel te kerel o dobrovoľňicka aktiviti abo projekti le zboroha

• te dobrovoľňe phirel pro zhromažďeňa the pro zjazdi, save pes nahravinen a bičhaven dureder, kaj pes duchovňe te sikaven le Jehovaskere svedki pal calo svetos

• te kerel andro zboros o buťa, save chudle, a andre oda hin the oda, hoj leskero menos the e uloha ela pisimen pre nasťenka andro kher, kaj pes zdžan le Jehovaskere svedki

• te pes kerena o zaznami pre karta Správa zborového zvestovateľa

• te o starši andro zboros le Jehovaskere svedkengero kerena e pasťjersko buťi the duchovňe pes starinena (Skutki 20:28, Jakub 5:14, 15)

• te dena peskere kontaktna udaji pre kada, te pes ačhela varesavi bibacht

O osobna udaji peske mukhaha ajci but časos, keci kampela pro učeli, pal save pes pisinel upreder abo pro aver zakonna učeli. Te pes o zvestovaťeľis rozhodňinela, hoj na podpisinela o formularis O oznamos pal e ochrana le osobne udajen the o suhlasos, kaj pes lenca šaj kerela, so kampela, a na domukhel, kaj pes te kerel vareso leskere osobne udajenca, le Jehovaskere svedki našťi phenen, či šaj ajso zvestovaťeľis kerel varesave buťa andro zboros abo či šaj kerel varesave naboženska činnosťi.

Le Jehovaskere svedki keren e buťi pal calo svetos. Šaj pes ačhel, hoj osobna udaji varesave zvestovaťeľiske ena bičhade abo preande abo uložimen pre aver krajina, sar hine akana. Šaj en the andro krajini, savengere zakoni zaručinen aver ochrana le udajen, sar e krajina, andal savi sas kala udaje dine. Le Jehovaskere svedki keren sa predal kada, kaj te chraňinen osobna udaji, save sas avka preande. Paš oda doľikeras o zakoni, save hin pre kada kerde. Savore, so keren buťi andre Calosvetovo nabožensko organizacija le Jehovaskere svedken, použinena osobna udaji le zvestovaťeľen avka, sar phenen o predpisi Sar pes chraňinen tumare osobna udaje andre organizacija le Jehovaskere svedkengeri, dokumentos platno pro calo svetos.

Le zvestovaťeľen hin pravos te dochudel o udaji, save peske pal lende mukhen le Jehovaskere svedki, hin len pravos te mangel, kaj pes te vimazinen avri, kaj pes te obmedzinel, so pes lenca šaj kerel the šaj prikeren oda, so hin andre ola udaji nalačhes. O zvestovateľa šaj mangen, kaj lenge te sikaven, hoj podirinde o suhlasis. Tiš peske šaj kiden avri, či dena, abo na dena peskere citliva osobna udaji abo udaji pal lengere čhave. Chočkana šaj len pale oda, soha suhlasinde abo šaj mangen, kaj lengere udaji te en avri mazimen, akor sar pes paš oda na doľikeren o zakoni. Te o zvestovaťeľis zrušinela kada suhlasis abo kamela les te vimazinel, abo phenela, so šaj keras a so našťi keras leskere udajenca, le Jehovaskere svedkenge o zakonos domukhel varesave osobna udaji te použivinel dureder, te oda kampela andro legitimna naboženska dvovodi abo aver dvovodendar, pal savo vakerel o zakonos pal e ochrana le osobne udajenge. O zvestovaťeľa džanen, hoj šaj pes visaren, te kaleha na suhlašinen, pro urados Superintendency of Industry and Commerce in Colombia.

Le Jehovaskere svedki priile o proceduralna the technicka opatreňa pre ochrana le osobne udajenge, avka, sar phenel o zakonos pal e ochrana le osobne udajenge. O zvestovateľa džanen, hoj lengere osobna udaji šaj dochuden ča paru (vajkeci) opravňena manuša a hoj pes lenca kerela ča kavka the pre oda, sar sas pisimen.

Te vareko kamel vareso pal e ochrana le osobne udajen te phučel, mi pisinel ole dženeske, so dodikhel pre ola osobna udaji pre adresa:

DataProtectionOfficer.CO@jw.org.

O zvestovaťeľa achaľon oleske, hoj e totožnosť the o kontaktos pre oda dženo, so dodikhel pre osobna udaji andre krajina, kaj dživen (the odoj, kaj pes oda del) a tiš e totožnosť the o kontakti pro leskere zastupci, a tiš pro dženo, so koleha kerel a dodikhel pre ochrana le osobne udajenge, peske šaj arakhen andre Kontakti – e ochrana le osobne udajenge pre internetovo stranka jw.org.

Te o zvestovaťeľis kamel te del e žjadosť, mušinel te bičhavel e prefoťimen žjadosť, savi podirinďa o notaris the imejlos, pre savo leske bičhavena e odpoveď. Te andre žjadosť vareso chibinel, tel o 5 keribnaskere ďivesa leske avela o imejlos, kaj les pomangaha, kaj te bičhavel oda, so kampel. Hin les pre kada 2 čhon. Te oda na kerela, leskeri žjadosť ela zrušimen. Sar ela andre žjadosť savoro mište kerdo, chudena e odpoveď tel o 10 keribnaskere ďivesa te džal pal e otazka abo namjetka. Te džal pal e sťažnosť, chudena odpoveď tel o 15 keribnaskere ďivesa. Šaj oda ľikerel the buter, te oda domukhel o zakonos.

Oda, so the sar keras le osobne udajenca pes šaj zmeňinel, vašoda, hoj pes šaj zmeňinel vareso andre amari nabožensko činnosť, andre zakoni abo oda, sar pes použivinen o technicka prostrjedki. Te pes kajse zmeni kerena, daha pal oda te džanel pre kadi stranka. O zvestovaťeľa kavka furt šaj džanena oda, save udaji amenge mukhas the so lenca keras. Dikhen tumenge varekana kadi stranka, kaj tumen te dodžanen, či pes vareso na zmeňinďa.