Koda, ko pes ačhel o zvestovaťeľis, džanel, hoj e organizacija le Jehovaskere svedkengeri, so kerel buťi pal calo svetos – čiže o zboros, e pobočka the aver organizacije, so keren buťi jekhetane le Jehovaskere svedkenca – šaj kerel le osobne udajenca pro legitimna naboženska buťa. O zvestovaťeľa korkore the lačhe jileha den peskere osobna udaje peskere zboroske, podľa kada, so pes pisinel andre kňižka Organizovaní, aby sme konali Jehovovu vôľu, kaj te šaj keren o naboženska buťa, savenca ucťjevinen le Devles, a kaj pes pal lende te del mištes duchovňe te starinel. (1. Petra 5:2)

O zvestovaťeľa šaj den le Jehovaskere svedkenge the buter osobna udaje, te kamen te kerel mek aver naboženska buťa. Osobna udaje šaj en o menos, o datumos, kana pes oda manuš naroďinďa, či hino murš abo džuvľi, kana pes diňa te bolel, o kontakti, o informaciji pal oda, sar pes leske duchovňe darinel, so kerel andre služba abo save buťa chudľa andre organizacija le Jehovaskere svedkengeri. Kala udaje šaj en the o informaciji pal oda, andre soste o zvestovaťeľis paťal, abo the aver citliva osobna udaje. Kada, hoj vareso keras le osobne udajenca, znameňinel hoj len chudas, zaznameňinas, keras andre lende porjadkos, mukhas len amenge a kajse podobna veci.

O zakonos pal e ochrana le osobne udajenge andre kadi krajina hin:

O Narjaďeňe le Europske parlamentostar the la Radatar (EU) 2016/679.

Pal kala pravna predpisi pal e ochrana le osobne udajenge o zvestovaťeľa suhlasinen oleha, hoj le Jehovaskere svedki použivinena o osobna udaje pro naboženska činnosťi, čiže ajse činnosťi, sar napriklad kada:

• hoj phiren pro zhromažďeňa le zboroha le Jehovaskere svedken a hoj kamen te kerel o dobrovoľňicka aktiviti abo projekti le zboroha;

• hoj dobrovoľňe phiren pro zhromažďeňa the pro zjazdi, save pes nahravinen a bičhaven dureder, kaj pes duchovňe te sikaven le Jehovaskere svedki pal calo svetos;

• hoj keren andro zboros o buťa, save chudle, so šaj znameňinel, hoj o menos the e buťi, savi ajso zvestovaťeľis chudľa, pes dela pre informačno tabuľa andro Kher, kaj pes zdžan le Jehovaskere svedki;

• hoj pes kerena o zaznami pre karta Správa zborového zvestovateľa;

• hoj o starši andro zboros le Jehovskere svedkengero kerena e pasťjersko buťi the duchovňe pes starinena (Skutki 20:28, Jakub 5:14, 15);

• hoj dena peskere kontaktna udaje pre kada, te pes ačhela vareso nalačho.

O osobna udaje peske mukhaha ajci but časos, keci kampela pro učeli, pal save pes pisinel upreder abo pro aver zakonna učeli. Te pes o zvestovaťeľis rozhodňinela, hoj na podpisinela o formularis O oznamos pal e ochrana le osobne udajen the o suhlasos, kaj pes lenca šaj kerela, so kampela, le Jehovaskere svedki našťi džanena, či šaj ajso zvestovaťeľis kerel varesave buťa andro zboros abo či šaj kerel varesave naboženska činnosťi.

Te kampela, ta o osobna udaje pes šaj den varesava organizacijake le Jehovaskera svedkengrake, so lenca kerel jekhetane buťi. O zvestovaťeľa džanen, hoj varesave organizacije le Jehovaskere svedkengere, so lenca jekhetane keren buťi, šaj en the andro krajini, savengere zakoni zaručinen aver ochrana le udajen, sar e krajina, andal savi sas kala udaje dine. Ale o zvestovaťeľa achaľon oleske, hoj sako, ko šaj dikhela kala osobna udaje, the o organizacije andro svetovo ustreďe andro USA, kerela lenca kavka, sar phenen o predpisi pal e ochrana le osobne udajenge, podľa save keren le Jehovaskere svedki pal calo svetos.

Le zvestovaťeľen hin pravos te dochudel o udaje, save peske pal lende mukhen le Jehovskere svedki, hin len pravos te mangel, kaj pes te vimazinen avri, kaj pes te obmedzinel, so pes leca šaj kerel the šaj prikeren oda, so hin andre ola udaje nalačhes. O zvestovaťeľa šaj chočkana zrušinen o suhlasos pre oda, so pes kerela lengere osobne udajenca. Te o zvestovaťeľis zrušinela kada suhlasos, le Jehovaskere svedki opravňeňe šaj použivinen varesave osobna udaje the bije kajso suhlasos, te oda phenel o zakonos pal e ochrana le osobne udajenge abo te oda kampel andal aver legitimna naboženska dvovodi, napriklad te kampel te mukhel a te kerel le informacijenca pal o celosvetovo členstvos andre organizacija le Jehovaskere svedkengeri. O zvestovaťeľa džanen, hoj o sťažnosťi šaj phenen la inštitucijake, savi dodikhel pre ochrana le osobne udajen andre krajina, kaj dživen.

Le Jehovaskere svedki prijinde o proceduralna the technicka opatreňa pre ochrana le osobne udajenge, avka, sar phenel o zakonos pal e ochrana le osobne udajenge. O zvestovateľa džanen, hoj lengere osobna udaje šaj dochuden ča paru (vajkeci) opravňena manuša a hoj pes lenca kerela ča kavka the pre oda, sar sas pisimen.

Te vareko kamel vareso pal e ochrana le osobne udajen te phučel, šaj bičhavel peskere otazki le zodpovedne dženeske, savo dodikhel pre ochrana le osobne udajenge, pre e-mailovo adresa:

DataProtectionOfficer.DK@jw.org.

O zvestovaťeľa achaľon oleske, hoj e totožnosť the o kontaktos pro spracovaťeľis le osobne udajen andre krajina, kaj dživen (te andre late ajso spracovaťeľis hino), a tiš e totožnosť the o kontakti pro leskere zastupci the pro zodpovedno dženo, so dodikhel pre ochrana le osobne udajen, peske šaj arakhen avka, hoj klikňinen pro Kontakti – e ochrana le osobne udajenge pre internetovo stranka jw.org.

Oda, so the sar keras le osobne udajenca pes šaj zmeňinel, vašoda, hoj pes šaj zmeňinel vareso andre amari nabožensko činnosť, andre legislativa abo oda, sar pes použivinen o technicka prostrjedki. Te pes kajse zmeni kerena, daha pal oda te džanel pre kadi stranka. O zvestovaťeľa kavka furt šaj džanena oda, save udaje amenge mukhas the so lenca keras. Dikhen tumenge varekana kadi stranka, kaj tumen te dodžanen, či pes vareso na zmeňinďa.