„[O Del] khosela savore apsa pal lengere jakha a o meriben imar buter na ela - aňi žaľa, aňi vika, aňi dukha imar buter na ena, bo o [perše] veci našľile.“ (Zjavenie 21:3, 4 E Nevi Zmluva)

Ela tumen lačhi buťi, so tumenge kerela radišagos. (Izaiáš 65:21–23)

Na ena imar ňisave nasvaľibena aňi trapišagos. (Izaiáš 25:8; 33:24)

Le manušen ela šukar dživipen, ňigda na merena, pro furt ena peskera fameľijaha the le kamaratenca. (Žalm 37:11, 29)

Adaj hin duj dvovodi:

• Le Devles hin zor te splňinel ada sľubos. Andre Biblija hin pisimen, hoj ča o Jehovas Del hino „o Všemohuco“. Nane ňiko zoraleder sar o Del. (Zjavenie 15:3) Ov šaj splňinel peskero sľubos, bo presňe džanel, sar ada te kerel, kaj pes o svetos te zmeňinel ko feder. E Biblija phenel, hoj „o Del šaj kerel savoro“. (Matúš 19:26 E Nevi Zmluva)

• O Del igen kamel te splňinel ada sľubos. Napriklad, le Jehovas hin bari tužba te uštavel upre le manušen, so mule. (Jób 14:14, 15)

  E Biblija thiš sikavel, hoj le Devleskero čhavo, o Ježiš, sasťarelas le nasvalen. Soske ada kerelas? Bo kamelas lenge te pomožinel. (Marek 1:40, 41) O Ježiš presňe napodobňinelas peskere Dades, sar kamelas te pomožinel olenge, so pes trapinenas. (Ján 5:19)

  Vašoda šaj paťas, hoj o Jehovas the o Ježiš amenge kamen te pomožinel, kaj amen te el igen šukar dživipen! (Žalm 72:12–14; 145:16; 2. Petra 3:9)