„Calo svetos hin andre zor le bengeskeri.“ (1. Jána 5:19 E Nevi Zmluva)

„Vaš oda pes sikaďa o Čhavo le Devleskero, hoj te mosarel le bengeskere buťa.“ (1. Jána 3:8 E Nevi Zmluva)

Šaj achaľon, soske hin andro svetos ajci but problemi. (Zjavenie 12:12)

Šaj paťan, hoj ada svetos pes zmeňinela so neksigeder ko feder. (1. Jána 2:17)

Adaj hin trin dvovodi:

• Le Satanoskeri vlada ela zňičimen. O Jehovas kamel te ukončinel le Satanoskeri vlada upral o manuša. Sľubinel, hoj „zňičinela le Benges“ (le Ďablos) a prikerela savoro, so o Satan kerďa. (Hebrejom 2:14 E Nevi Zmluva)

• O Del phenďa, hoj o Ježiš Kristus vladňinela upral o svetos. O Ježiš hino calkom aver sar o Satan, nalačho vladcas, so hino bijo jilo a sebecko. O Del phenďa pal peskero kraľis, pal o Ježiš: „Ela leske phares, sar dikhela oles, pre savo aver manuša dikhen upral, the oles, so hin čoro... le nalačhipnastar len lela avri.“ (Žalm 72:13, 14)

• O Del našťi klaminel. E Biblija jasňe phenel: „O Del našťi klaminel!“ (Hebrejom 6:18 E Nevi Zmluva) Te o Jehovas vareso sľubinel, ma daran, ov ada určiťe splňinela! (Izaiáš 55:10, 11) Vašoda šaj paťas, hoj „oda, so ľidžal kada svetos“ ela zňičimen. (Ján 12:31 E Nevi Zmluva)