Non, le jour nout mor lé pa désidé a lavans. La Bib i soutien pa le fé d’kroir o déstin. O kontrèr li di ke souvan la mor lé le rézulta de « bann zévènman inprévu » (Éklézias 9:11).

Poukosa la Bib i di ke néna in « tan pou mor » ?

 Lé vré ke Éklézias 3:2 i di ke néna « in tan pou nèt é in tan pou mor, in tan pou planté é in tan pou arach sak té planté » (Segond 21). Parkont, sak lé ékri avan é apré se vèrsé la i mont ke tèr la la Bib i koz desu bann moman ke néna dan la vi bann zumin (Éklézias 3:1-8). Bondieu i désid pa le jour nout mor, kom li fors pa in planteur alé plant tèl jour ou tèl leur. Tèrla le lidé inportan lé ke nou doi pa lès bann zafèr la vi tou lé jour kap nout latansion jusko poin ke nou oubli nout Kréateur (Éklézias 3:11 ; 12:1, 13).

I pe fé dur la vi plu lontan

 Malgré la vi lé pa sur, souvan lé possib de viv plu lontan kan nou pran bann désizion ke lé saj. La Bib lé dakor pou di : « Lansègnman din moun ke lé saj lé in sours de vi. Li pèrmèt évit bann zéreur ki ral vèr la mor » (Provèrb 13:14, Parole de Vie). Parèy, Moiz la di èk bann Zisraélit ke banna té pe « viv lontan » si banna té obéi bann komannman Bondieu (Detéronom 6:2, Parole de Vie). Parkont, nou pe rakoursi nout vi kan nou lé pa prudan, kan nou aji mal oubien bètman (Éklézias 7:17).

 Mèm si nou lé saj é prudan kan nou aji, nou gingn pa chap la mor (Romin 5:12). Seulman, sa i sa chanjé, kar la Bib i promèt kin jour, « nora pu la mor » (Révélasion 21:4).