Kan li lété su la tèr, Jézu la fé mont son gran lamour pou domoun, li la parti juska done son vi an sakrifis (Matié 20:28 ; Jan 15:13). Li va fé mont osi son lamour pou tout domoun, kan li va utiliz son lotorité an tank Roi lo roiyom Bondié pou ‘arèt bann gèr su tout la tèr’ (Psom 46:9).

 La Bib i di koman Jézu i sar fé sa :

•   « Li va sov lo pov k’i kri o sokour, é li va port sokour lo ti é sak na poin pèrsone pou sov ali. Li va fé mont la pitié pou lo ti é lo pov, li va sov la vi bann pov. Li va sov sak lé krazé par bann dominèr é k’i subi la violans » (Psom 72:12-14).

 Koman nou pé fé mont nout rokonésans pou tout sak Jézu la fine fé é i sar fé pou nou ? Dann Luk 22:19, Jézu i di son bann disip rapèl azot son mor. Sé pousa, chak lané, la dat lanivèrsèr son sakrifis, bann Témoin Jéova i organiz in rénion èspésial. Nou invit azot sélèb lo Mémoryal la mor Jézu ansanm nou lo dimanch 24 mars 2024.

Pou asis lo Mémoryal