Koman la vi i sra plu tar ?
Pou ou, bann zafèr otour de nou...
-
sra plu mové.
-
va rès parèy.
-
sra plu gayar.
LÉ ÉKRI DAN LA BIB
« Bondieu [...] va tir tout bann larm dan zot zieu é nora pu la mor, ni okin deuy, ni okin plint, ni okin douleur, bann zafèr ke té égzis avan, la finn disparèt » (Révélasion 21:3, 4, Traduction du monde nouveau).
KOSA LA BIB VA APORT A OU
in travay ou ièm é ke va kontant a ou (Izai 65:21-23),
ou sra pu malad é ou nora pu okin soufrans (Izai 25:8 ; 33:24),
ou va viv ereu pou toultan èk out fami é out bann kamarad (Psom 37:11, 29).
ÈSKE OU PE FÉ KONFIANS SÈK LA BIB I PROMÈT ?
Oui, ala 2 rézon :
-
Bondieu lé kapab fé sèk li di. La Bib i amont a nou ke Bondieu Jéova lé « Toupuisan ». Li pe fé tout sèk li ve (Révélasion 15:3). Li lé kapab chanj tout zafèr su la tèr, kom li di. Kom lé ékri dan la Bib, « Pou Bondieu tout zafèr lé posib » (Matieu 19:26).
-
Bondieu i ve vréman fé sèk li promèt. In légzanp, Jéova i ve relèv bann domoun lé mor (Job 14:14, 15).
La Bib i amont osi, ke Jézu le Garson Bondieu, la géri bann malad. Akoz li la fé sa ? Parske li voulé (Mark 1:40, 41). Jézu la fé parèy son Papa, li té ve èd bann domoun malereu (Jan 14:9).
Lé sur, Jéova èk Jézu i ve ke nou nana in vi pluméyeur ! (Psom 72:12-14 ; 145:16 ; 2 Pièr 3:9).
SÈK NOU PE KOZÉ ANKOR
Koman Bondieu i sar fé pou donn a nou in vi pluméyeur ?
La Bib i réponn se kèstion la dann MATIEU 6:9, 10 èk DANIÈL 2:44.
Agard sa osi…
ESSENTIAL BIBLE TEACHINGS
Kosa i lé le Roiyom Bondieu ?
Kan li lété su la tèr, Jézu té i koz surtou su le Roiyom Bondieu. Depui tré lontan, son bann disip i pri pou ke se Roiyom i ariv.
TOUR DE GARD
Kosa le roiyom Bondieu va fé ?
Jézu té koné ke le roiyom Bondieu i sré le seul gouvèrnman ke lé kapab règ bann problèm su la tèr. Sak le roiyom la la déja fé i pèrmèt anou èt sur de sa. Kosa li la finn fé ?
