Kosa i pe rann out fami ereu ?
Dapré ou sé...
-
lamour.
-
larjan.
-
in not nafèr.
LÉ ÉKRI DAN LA BIB
« Sak i ékout la parol Bondieu é i obéi ali lé ereu ! » (Luk 11:28, Traduction du monde nouveau).
KOSA LA BIB VA APORT A OU
va èd out fami ièm inn é lot (Éfézien 5:28, 29),
zot va rèspèk inn é lot (Éfézien 5:33),
zot va viv trankil (Mark 10:6-9).
ÈSKE OU PE FÉ KONFIANS SÈK LA BIB I PROMÈT ?
Oui, ala 2 rézon :
-
Bondieu la marié le premié bonom èk le premié madam. La Bib i amont ke sé Jéova la fé la fami (Jenèz 2:18-24). Si la fami i égzis, sé gras Bondieu. Akoz i fo konèt sa ?
Alon pran in légzanp : si ou manj in bon kari, é ke ou ve konèt kosa la mèt dedan, èk kisa ou sa demandé ? Lé normal, ou sa voir le moun ke la fé kui le kari.
Lé parèy, pou viv ereu dan out fami, i sré mieu demann Jéova parske sé li la fé la fami.
-
Bondieu i trakas bonpe pou ou. Bann fami sra jamé pèrdan, si zot i rod konsèy èk Jéova dan son liv la Bib. Akoz ? « Parske li sousi ali in bonpe pou zot » (1 Pièr 5:6, 7). Jéova i ve sèk lé gayar pou ou, son bann konsèy lé toultan bon ! (Provèrb 3:5, 6 ; Izai 48:17, 18).
SÈK NOU PE KOZÉ ANKOR
Kosa ou doi fé pou èt in bon mari, in bon madam, in bon momon, in bon papa ?
La Bib i réponn se kèstion la dann ÉFÉZIEN 5:1, 2 èk KOLOSIEN 3:18-21.
Agard sa osi…
BANN KÉSTION LA BIB I RÉPONN
Dapré la Bib kosa i fo fé pou konèt in gayar vi d’fami ?
Dékouv detroi konsèy néna dan la Bib ke la finn rann sèrvis in gran kantité ménaj pou konèt in gayar vi d’fami
KISA NOU LÉ ?
Pou kosa étudié la Bib ?
Gras la Bib, domoun par milion dan le monn la gingn bann répons pou bann késtion inportan ke zot i poz a zot su la vi. Èske-ou ve konèt sa osi ?
