Diosninchicmá llü imacunactapis licalichila, Paypä cawsaynin’a manamá allaycuyninpis nï camacayninpis canchu (Salmo 90:2). Chaypima payllacta adoränanchic, Paypimá cay allin willacuycunaca Bibliaćhu cayan (1 Timoteo 1:11). Paymá cawsachimalanchic, chaymá payllacta sirvicunanchic, ñatac adoraycunanchic. Ashicuy Apocalipsis 4:11.

Paypa cuerpun’a manamá aychachu nï tulluchu, pay’a espiritumá. Manamá pipis payta licanmanchu (Juan 1:18; 4:24). Masqui Diosta mana licalpis, payta’a lisinquimanmá lulaśhancunacta lical, cay imaymana frutacunätapis, waytacunätapis chayta licalmá yaćhanchic cuyamaśhanchicta, alli yaćhayniyü caśhanta. Cayantacmá cieloćhupis lulaśhancunaca: intipis, quillapis, lucerucunapis, chaywanmá yaćhayanchic Diosninchic alli poderniyu caśhanta. Ashicuy Romanos 1:20.

Diospi masta yaćhaycunayquipä Bibliatam estudianquiman chayćhumá limayan Diospa munaśhancuna. Pay’a munayanmi tuqui cawsacunanchicta, mana allinta lulaptiqui’a Diosninchic llaquicunmä. Ashicuy Salmo 103:7-10.

Diosninchicpa śhutin’a Jehová Bibliaćhumä limayan. Diosninchicpa śhutin’a achca traduccioncunaćhu juluśhamá, lulaśha cayan Dioswan ü Señurwanmi. Punta Bibliata lulaśhanćhua camalayanmi Diospa śhutin anćhish walanga cutim. Chaypimi Jehovapa śhutin’a jucllaylla, jucćhu’a Yavé ninchictacmi. Ashicuy Salmo 83:18 (NM).

Licay cay videuta: ¿Tiene Dios un nombre?

¿Diosninchic alli cuyacü cayalchućh cay llaquicuycunata cayächinman? Waquin nunacuna nipäcunmi Diosmi aysaycayämanchic mana allinta lulanapa, chay nishanca manamá rasunpachu. Ashicuy Santiago 1:13.

Jehovami umälanchic libertacata quiquinchic aclananchicpa cawsayninchicta (Josué 24:15). Achca nunacunam chay libertacawan juyu lulaycunacta lulayalcan, chaypimi alli ñacacuy cayan, chaymi Jehovata nanaypa nanaycun, mana allinta lulapäcuptin. Ashicuy Génesis 6:5, 6.

Jehová allictam cuyamanchic chaymi tuqui cawsacunanchicta munayan, prontuñamá camacalun’a cay nanaycunäta, mana allin cawsaycunäta. Manaläpis camacaśhancama’a, Diosninchic cayächinlämi cay ñacacuycunäta. 8 leccióncaćhumi masta yaćhaycunqui. Ashicuy 2 Pedro 2:9 ñatac 3:7, 13.

Jehová munayanmi mañacuyninchicwan aśhuycunanchicta, Pay’a llapanchicpïmi preocupacun (Salmo 65:2; 145:18). Chaymi imacta pantaculuptinchicpis perdonaycamanchic ñatac yaćhayanmá callpanchacuśhanchicta. Paypa voluntaninta lulaycuptinchic, masqui mana atipalpis. Pantacu nuna calpis caśhunlämi Diospa amigun. Ashicuy Salmo 103:12-14 ñatac Santiago 4:8.

Cawsayta umäśhanchicpïtam Diosninchic munayan mayanpipis masta cuyananchicta (Marcos 12:30). Payta cuyalmá paypïta masta yáćhayanchic ñatac casucunchic mandamientuncunacta. Caycunacta lulalmi Jehovawan masta cuyanacuśhun. Ashicuy 1 Timoteo 2:4 ñatac 1 Juan 5:3, 4.