“Lluy isquirbishacunaca quiqui-quiquinpa nishanmi [...], allincällaman caminaycamanchic” (2 Timoteo 3:16, Muśhü Limalicuy).

Cawsayninchicpa, Bibliäćhu ima tapuycunactapis talishunmi (Proverbios 2:1-5).

Walan walan cawsayninchicćhu caminaycachimanchic (Salmo 119:105).

Walaśhaluncuna, sumä cawsaytam talishun (Romanos 15:4).

Aw, quimsacta yaćhaycuśhun:

• Manam Bibliaca cuntranacunchu. Bibliata escribipäcula 40 taytacunam, 1600 wataćhu yupay. Llapan yupaymi escribicunaca mana lisinaculcälachu. Chaynú captimpis manam Bibliaca cuntranacunchu, juc tantiayllactam limayan.

• Rasuncällactam escribipäcula. Unay nunacuna cawsayninpi willacul un’atuculcanmi malcan llallichicuśhan cunacta, mana allin caynincunacta. Bibliata luläcunañatacmi mana pacapäculachu quiquin juchapacuśhantapis, nïtac malcan llallichicuśhantapis (2 Crónicas 36:15, 16; Salmo 51:1-4).

• Ñawpa tiempucunapa nishancunapis cumplianñam. Bibliaca nilañam, 700 watap ipactalämi Jesús manalapis näciptin Belén uchuc malcällaćhu näcinanta (Miqueas 5:2). Ñatac, ¿mayćhumi näcila? Judá Belén uchuc malcällaćhu (Mateo 2:1-6).

  Bibliaca ñawpa tiempucunapa nishannüllam lulacacuyan, manam nï jucllapis mana lulacacul’a canchu. Chaynú captin’a, ¿manachun Diospa nishanman chalapacuchwan? (2 Pedro 1:21.)