“Cay jinantin pachaca [allpaca] supaypa [Satanaspa] maquinćhu caśhantapis” (1 Juan 5:19, Muśhü Limalicuy).

“[Satanaspa] lulaynincunacta pampamam muyuchinampämari Diospa chulin cay pachäman [allpäman] śhamula” (1 Juan 3:8, Muśhü Limalicuy).

Yaćhaśhunmá, enterun allpäman mayanpi ñacacuy, llaquicuy, tunquicuy śhamuśhanta (Apocalipsis 12:12).

Rasuncata yaćhalul, tuqui cawsaytam alcaśhun (1 Juan 2:17).

Aw, quimsacta yaćhaycuśhun:

• Satanaspa gubiernun ñam camacalun’aña. Jehová camacäśha niyanmi Satanaspa gubiernunta. Bibliami nin: “Satanaśhcäta mana caśhanman cutichinampä”. Ñatac, Diablüpa perdichiśhanta allichalun’am (Hebreos 2:14, Muśhü Limalicuy).

• Diosmá aclala Jesucristucta gubiernänampa. Jesucristup Gubiernun’a manamá chay juyu, piña enterun allpäta chalaläcanuchu. Chaymi Dios niyan Jesucristup Gubiernunćhu “manañam can’añachu wañuypis, awćhuypis, wa’acuypis, nanaypis, nï ima llaquipis” (Apocalipsis 21:4, Muśhü Limalicuy).

• Dios manam casquicunmanchu. Bibliaćhu sumämi niyan: “Dios mana articuśhanta” (Hebreos 6:18, Muśhü Limalicuy). Jehoväpa nishan’a rasunmá manam ñan’al ninmanchu (Hebreos 6:17). Pay, Bibliaćhu niyanmi: “Chaynütacmi cay pachäta [allpäta] duyñuchacüśha cä Satanaśhpis alupacüśha can’a” (Juan 12:31, Muśhü Limalicuy).