21 DE DICIEMBRE DE 2023
SHUJ SHUJ LLACTAMANDA NOTICIACUNA
Fishkill llactapi autoridadcunaca testigo de Jehovacunapa mushuj construcciongunata rurachunmi aprobarca
Nueva York, Estados Unidospi Fishkill llactapa Betelpi, mushuj edificiocunata rurangapaj planocunatami autoridadcunaca aprobarca. Aprobacionda cujpimi, Fishkill Betelpi construcciongunataca ña rurai callarinalla capanchi.
Fishkill Betelca Nueva York, Estados Unidospi Warwick llactapi testigo de Jehovacunapa central mundialmanda 64 kilometrocuna carupimi can. Chai Fishkill Betelpi huauquipanicunaca ashtahuanbachaca informática cosascunapimi ocuparin.
Chai mushuj edificiocunataca Fishkill Betelpa chimbapurapimi 23 hectareacunapi ruragrinajun. Chai mushuj edificiocunaca, edificio de oficinas nishcacunatami charinga. Chaitaca de ishcai pisotami ruranga y 4 mil 366 metro cuadradocunapimi ruranga. Shinallata shuj edificio de mantenimiento nishcatapashmi 1.393 metro cuadradocunapi ruranga. Shinallata, shuj edificio de recreación nishcatapashmi 1.393 metro cuadradocunapi ruranga. Shinallata canllaman, al aire libre imagutapash pugllangapami shuj sectorgutapash ruranga. Unaita parachun y medio ambientetapash ama huaglichingapami planocunataca aligutapacha pensarishpa rurarca.
Fishkill Betelpi mushuj instalaciongunaca cashnami capanga: 1) ishcai piso edificio de oficinas, 2) samangapaj, pugllangapaj edificio de recreación, 3) edificio de mantenimiento y 4) canllaman al aire libre imagutapash pugllangapaj sector de recreación.
Chai construccionbi ruraicunataca mayoriatami shuj empresacuna ruranga. Pero chai trabajocunataca Betelpi sirvinajuj huauquicunami supervisanajunga. Chai proyecto de construcciondaca huata 2025pi octubre quillatami tucuchingapaj munapanchi.
Fishkill Betelpi causajuj Jason Kahle shuti huauquica ninmi: “Cunangamanga Fishkill Betelpi causanajuj huauquicunaca, causana pushtucunatallami charishca, shujcunahuan tandanajushpa imagutapash rurana pushtucunataca na charishcachu. Pero mushuj instalaciongunapica, trabajaitapash trabajai ushashunmi y chaipillatami maipi shujcunahuan tandanajushpa yalina pushtugutapash charishun. Ña chaipi trabajanajungapaj, ña chaipi imagutapash ruranajungapami munapanchi” ninmi.
Nueva Yorkpi, Fishkill Betelpi causangapaj huaquin edificiocuna
Fishkill Betelpi causanajuj y sirvinajuj huauquicunata chai proyecto ashtacata ayudanata yachashpami ninanda cushijupanchi. Jehová Diostaca chai proyectota tucuchingapaj bendiciapangui nishpami mañanajupanchi (Salmo 127:1).