17 DE NOVIEMBRE DE 2023 | ULTIMO NOTICIACUNA: 8 DE DICIEMBRE DE 2023
INDIA
ULTIMO NOTICIACUNA: India llactapi bomba tujyashcamandaca cunangamanga ña 8 personacunami huañushca
India llactapi asamblea tiashca horas, shuj bomba tugyajpimi shuj huauquica chugrishcapacha quidarca. Shinapash sábado 2 de diciembre de 2023pimi huañurca. Huauquica 76 huatacunatami charirca. Paica congregacionbi anciano y precursor regular shinami sirvijurca. Shinallata paipa huarmigupashmi 5 punllacuna jipa huañurca. Paniguca 7 de diciembretami huañurca. Panigupashmi chai bomba tugyajpi chugrishcapacha quidarca. Paniguca precursora regular shinami sirvijurca. India llactapi cai llaqui pasashcamandaca ña 8 huauquipanicunami huañushca.
Domingo 29 de octubre de 2023 huatapica, Kerala India llactapi Testigo de Jehovacunapa Asamblea callarijujpimi huaquin bombacunata tujyachirca. Caica jatun llaquimi can callaripica quimsa gentecunami huañurca jipamanga shuj huauquipash ishcai panicunapashmi huañurca. Chai huañushcacunapica mamapash churipash shuj ushigu ña 12 huatacunata charijpashmi ña huañushca carca. Ashtahuanbash, 11 huauquipanicunapashmi hospitalpi atindirinajurca.
Cai llaquicuna afectashcamanda huauquipanicunata animangapaj consolangapami India llactamanda sucursalta aprobarca shuj reunión especialta rurachun. Caitaca 4 de noviembre de 2023 huatapimi rurarca. 21 congregaciongunamanda huauquipanicuna cai asambleapi cashcacunatami cai especial tandanajuimanga invitarca. Cai programataca shuj Salón del Reinopimi rurarca. Cai salonbica más o menos 200 huauquipanicunami carca. Shuj 1.300cunaca videoconferenciapimi conectarirca, shinallata hospitalpi cajcunapashmi cai tandanajuicunapa grabashcata uyangapaj chari usharca. Chai sucursalmanda shuj ancianoca huauquica Salmo 23:1ta japishpami Jehová Diosca cada uno paita sirvijcunata juyashcata ricuchirca: “Cai versiculopica Jehová Diostaca na nijunllu shuj michij ni alipacha michij ashtahuangarin Jehová Diosca ñuca michijmi can ninmi. Jehová Dios cada unota ninanda juyajta yachashpaca ninandami cushijunchi”.
Panicunaca cushijushpami saludarinajun.
Shuj huauquica ninmi: Cai bombacuna tujyashca pushtupi cashcamandami puñuitapash na ushanichu nin. Shina pasajushpapash hospitalpi huauquipanicunata ayudangapami como voluntario ofricirirca. Paica ninmi: “Cai huauquipanicunapa feta ricushpa na yapata preocuparijta yachashpaca ñucapa preocupaciongunata cungachunbash ayudahuarca. Paicunaca chugrishca cashpa nanachinajushpapash Diospa Reinomanda canticocunatami candanajurca. Shuj huauquica caitapashmi nirca: “Ñucanchi juyashca huauquipanicuna tranquilo aliguta causachunga ashtaca tiempomi yalina can. Shina cajpipash mundo enteromanda huauquipanicunami paicunataca ninanda juyashpa catinga. Ashtahuanbash seguromi canchi ñucanchi juyaj Jehová Diosca cada unotami cuidajun caita yachashpaca ninandami cushijunchi”.
Jehová Diosta sirvijcunaca mundo enteropi shujlla familia shinami canchi chaimi ñucanchica consuelo, confianza charishpa catinchi Salmo 147:3pica ninmi: ‘Shungu faquirishcacunataca, paimi alichin. Chugrishcacunatapash huatachishpami alichin’. India llactapi huauquipanicunataca Jehovaca shinami cuidajun.