17 de noviembre de 2023​pimi Traducción del Nuevo Mundo de las Escrituras Griegas Cristianas Bibliaca konkani (alfabeto latino) idiomapi llujshirca. Chaica India llactapi, Margao llactapi ‘Pacienciata charinami capanguichi’ nishca asamblea regionalpimi llujshirca. Chai asambleaman rishca 413 huauquipanicunami chai mushuj traducciondaca chai rato descargaita usharca. Chai traducishca Bibliataca ñallami imprimishcata charipashun.

India llactapa costa ladomanmi gentecunaca konkani nishca idiomataca parlan. Chai idiomataca más de 3 millón gentecunami parlan. Y chai idiomataca 5 diferente alfabetocunahuanmi escribirin. Goa llactapica konkani (alfabeto latino) nishca idiomataca casi 500 mil gentecunami parlan. Cunanbica konkani (alfabeto latino) nishca idiomapica 7 congregacionguna y 400 publicadorcunami tian. Pundaca shuj traducción de Bibliallami konkani (alfabeto latino) nishca idiomapica tiarca. Shinapash cunanga ñami Traducción del Nuevo Mundo de las Escrituras Griegas Cristianas Biblia konkani idiomapica tian.

Cai Bibliapa mushuj traduccionda fácil intindirinalla shimicunahuan traducishcata ricunaca, Jehová Dios ciertopacha juyaj Dios cashcata ali yachajuchunmi ayudan. Shuj huauquica nircami: “Ñucanchi charishca Bibliapi Juan 21:17​pica cashnami nin: ‘Ñuca llamacunaman micunaguta carapangui’ nishpa. Pero Traducción del Nuevo Mundo Bibliahuan ricushpaca cashnami nin: ‘Ñuca llamagucunaman micunaguta carapangui’. Cai traducishcami Jehová Diospash y Jesuspash paicunata cazushpa sirvijcunata ninanda juyaihuan ricun cashcata pensachihuan” nircami.

Bibliapa mushuj traduccionda charishcamandaca Jehová Diostaca ninandami agradicipanchi. Gentecunapash cai mushuj traduccionhuan Jehová Diosmanda fácil yachashpa, paipaman quimirinataca seguromi capanchi (Salmo 25:14).