Cai mundopi gobiernocuna y jatun organizaciongunaca gentecuna paicunapura tranquilo causaita charichunga na ayudai ushashcachu. Segunda Guerra Mundial tucurishca jipaca guerracuna tiashpa catircarami. Shinapash cunanbimi chai tiempopita yali ashtahuan guerracuna tian. Más o menos 2 mil millón gentecunami cai guerracunamandaca imapash llaquicunataca charishca.

 Gentecunaca ¿imamandata paicunapura tranquilo causaitaca na ushashca? Bibliapica ¿imatata nin?

1.  1. Gentecunaca paicunapa nali ruraicunahuanmi shujcunahuan na tranquilo causangapaj munashcata ricuchishca. Bibliapica ñucanchi tiempopi gentecunaca ‘paicunapilla pensarijcuna, culquitapash ninanda juyajcuna, jariyashpa parlajcuna, cridoyashcacuna, shujcunata na juyajcuna, de acuerdo cangapapash na munajcuna, na controlarinata yachajcuna, millai millaicuna, nimamanda na uyangapaj munajcuna, ninanda jariyashcacunami’ canga nishpami ña villashcarca (2 Timoteo 3:2-4).

2.  2. Gentecunaca paicunalla cashpa o tandanajushca cashpapash imapash problemacunataca Jehová a Dios na ayudajpica na arreglai ushangachu. Chaimandami Bibliapica gentecunaca paicunapa “causaitaca, na mandai ushanllu” nijun (Jeremías 10:23).

3.  3. Diablomi cai mundotaca mandajun. Paica nalipacha cashcamanda, ashtaca poderta charishcamandami “cai alpapi tucui gentecunata umachijun” (Apocalipsis 12:9). ‘Cai mundota Diablo mandajushcacamanga’ guerracuna, macanajuicunaca na tucuringachu (1 Juan 5:19).

 Bibliapica Taita Dioslla gentecuna tranquilo causaita charichun ayudai ushashcatami ricuchin.

•   “‘Cangunaman ñuca imatalla ruranata yarijushcataca, ñucami yachani. Casilla ali causaita caranatami yarijuni, llaquicunataca na cachashachu. Canguna shuyanajushcatami caragrini’ ninmi Mandaj Diosca” (Jeremías 29:11).

 Taita Diosca ¿imashinata paipa nishcacunataca pactachigrin? ‘Tranquilo ali causaiguta caraj Taita Diosca ñallami Diablotaca sarunshna tucuchinga’ (Romanos 16:20). Bibliapi nishcashnami Taita Diosca paipa Gobiernota utilizashpa cai mundo enteropi tranquilo, ali causaiguta caramunga (Lucas 4:43). Taita Diospa Gobiernopica Jesusmi rey canga. Paimi gentecunamanga imashina shuj tranquilo, ali causaiguta charinata yachachinga (Isaías 9:6, 7).

•   Caimanda ashtahuan yachangapaca “Taita Diospa Gobiernoca ¿imacunatallata ruranga?” nishca temata ricupangui.