LECCIÓN 02

Bibliapica ali causaigu tianatami yachachin

Cai idiomapi uyangapaj o ricungapaj

Mundo enteropi gentecunami shuj shuj llaquicunata charishcamandaca llaqui llaqui, preocupado sintirin. ¿Nachu huaquinbica quiquindapash shinallata pasapashca? Huaquinbica imapash ungüicunamanda o pipash huañujpimi llaquilla sintirishpa cai cosascunaca imahorapash tucuringacha nishpa tapuripashcanchi. Shinapash chai tapuicunataca Bibliapimi aliguta yachachipan.

1. Shamuj punllacunamandaca ¿imatata Bibliapica nijun?

Cai mundopi ashtaca ashtaca llaquicuna imamanda tiashcata, chai llaquicuna ñalla tucurina cashcatapashmi Bibliapica ricuchin. Bibliapi chaita yachajunami tranquilo cachun, ‘ali causaiguta’ charichunbash ayudan (Jeremías 29:11, 12, liipangui). Bibliapa nishcacunata yachajunami cunanbi charishca llaquicunata aguantachun, para siempre cushilla causaigu tianata crichunbash ayudan.

2. Shamuj punllacunapica ¿imashina causaishi tianga?

Shamuj punllacunapica ‘huañuipash nunca más ñana tiangachu. Ima llaquipash, huacaipash, ima nanaipash nunca más ñana tianatami’ Bibliapica ricuchin (Apocalipsis 21:4, liipangui). Cai shimicunaca cunanbi charishca llaquicuna ñana ashtahuan tianatami ricuchin. Bibliapica tucui gentecunami cai alpa shuj juyailla paraíso tucujpi para siempre causanga ninmi.

3. Bibliapa nishcacunapi confiachunga ¿imata ayudanga?

Ashtaca gentecunami llaquicuna tucurichun munashpapash chai llaquicuna ciertopacha tucurinataca na yachanllu. Pero Bibliapica llaquicuna tucurina cashcatami yachachin. Shinapash chai shimicunapi ashtahuan confiangapaca Bibliatami aliguta estudiana capanchi (Hechos 17:11). Bibliamanda aliguta yachajushpaca quiquinllatami chai shimicunapi ashtahuan confiai ushapangui.

ASHTAHUAN YACHAJUPASHUNCHI

Shamuj punllacunapi imacunalla pactarinata Bibliapi yachajupashunchi. Shinallata chaita yachajuna imashina shujcunatapash ayudashcata ricupashunchi.

4. Bibliapica llaquicuna illa para siempre causai ushanatami yachachin

Shamuj punllacunapi imacunalla pactarinata ricupashunchi. ¿Caicunamandaca maijanda ña pactarichun munapanguiman? ¿Imamandata chaita munapanguiman?

Caimanda cada textocunata liishpa, cai tapuicunata contestapangui:

¿Cai textocunapi nishcacunaca quiquin tranquilo sintirichun ayudanllu? ¿Cai textocunapi yachachishcacunaca quiquinba amigocunata o quiquinba familiatapash ayudangacha?

Shamuj punllacunapica,

CAI LLAQUICUNACA ÑANA TIANGACHU	CAICUNAMI PACTARINGA
Pipash na sufringachu, na mayoriangachu, huañuitapash na huañungachu (Isaías 25:8).	Ñucanchi huañushca familiacuna causarijtami ricupashun (Juan 5:28, 29).
Ungüicunapash ñana tiangachu (Isaías 33:24; 35:5, 6).	Tucuicunami sano, cutin jovenguna cashun (Job 33:25).
Pipash ñana yangamanda llaquichi tucungachu (Isaías 32:16, 17).	Tucuicunami micunaguta charishun. Shinallata ñucanchi propio huasiguta rurashpami chaipi causashun (Salmo 72:16; Isaías 65:21, 22).
Guerracunapash ñana tiangachu (Salmo 46:9).	Tucuicunallatami tranquilo causapashun (Salmo 37:11).
Punda llaquilla causashcatapash cungaitapachami cungashun (Isaías 65:17).	Shuj juyailla alpagupimi para siempre causashun (Salmo 37:29).

5. Shamuj punllacunamanda Bibliapi yachajunami tranquilo causachun ayudanga

Ashtaca llaquicuna tiashcamandami huaquingunaca imata ruranatapash na atinashpa llaquilla o culira sintirin. Chaimi chaicunata tucuchingapaj munashpa imacunatapash ruran. Cunanga Bibliapa nishcacuna imashina shujcunata cushilla causachun ayudajushcata ricupashunchi. VIDEOTA ricushpa, cai tapuicunata contestapangui:

VIDEO: Nali ruraicunataca tucuchingapami munarca (4:07)

Videopi ricushcashnaca ¿imamandata Rafika huarmiguca preocupada sintirijurca?
Pai ricushca problemacuna na tucurijpipash, Bibliaca ¿imashinata paitaca ayudarca?

Shamuj punllacunapi cushilla causaigu tianata Bibliapi yachajunami ama llaquilla sintirichun, problemacuna tiajpipash aguantashpa catichun ayudanga. Proverbios 17:22 y Romanos 12:12ta liishpa, cai tapuicunata contestapangui:

¿Shamuj punllacunamanda yachajunaca cunanbillata cushilla causachun ayudanllu? ¿Imatata nipanguiman?

HUAQUINGUNACA, “Bibliapi nishcacunaca alishnallami ricurin. Pero maitashi pactaringa” ninmi.

Shamuj punllacunamandaca ¿imamandata ñucanchicunallata Bibliapi yachajuna capanchi?

YARINGAPAJ

Bibliapica shuj cushilla, ali causaigu tianatami yachachin. Chaita yachajunami llaquicunata charishpapash cushilla, tranquilo sintirichun ayudan.

¿Imatata yachajupashcanchi?

¿Imamandata shuj ali causaigu tianapi crina capanchi?
Shamuj punllacunamandaca ¿imatata Bibliapica nin?
Ali causaigu tianata yachajunaca ¿imashinata quiquindaca ayudan?

Caita imahora yachajui tucuchishcata anotapai:

Caita rurapai

Caipi yachajushcata ama cungangapaca caipi tiashca textocunata liipangui.

Caitapashmi ruragrini:

Your other goal

CAITAPASH RICUPAI

Shamuj punllacunapi cushilla causai ushanata yachana imashina ayudajta ricupai.

“Esperanzata charinaca ¿ciertopachachu ayudaita ushan?” (Rijcharipaichi revista, 22 de abril de 2004)

Millai ungüita charij gentecunata Bibliapa nishcacuna imashina ayudashcata ricupai.

“¿Imashinata Bibliaca ungushca cajpi ayudan?” (jw.org paginapi ricupangui)

Cai cántico videota ricujushpaca quiquinba familiahuan paraíso alpagupi ña causanajushcapi pensaripai.

Paraisopi causanatami cushijushpa shuyajuni (3:37)

Bibliapi cushilla causaigu tianata yachajuna imashina ayudashcata ricupai.

“Cai mundota cambiana yuyaihuanga ñana causajunichu” (Villajun revista, 1 de julio de 2013)

Cai temacunata ashtahuan liipai

GENTECUNAPA TAPUICUNA

Testigo de Jehovacunaca ¿imashinata Bibliamandaca yachachinchi?

Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.

CUSHILLA CAUSAPASHUNCHI: BIBLIAMANDA YACHAJUI CALLARINGAPAJ YUYAICUNA