Bibliata picunapacha escribishcataca na yachaita ushanchichu nishpami huaquingunaca pensan. Shinapash Bibliapillatami huaquin librocunapica chai librota pi escribishcata villajun. Por ejemplo, huaquin librocunaca cashna nishpami callarin: “Hacalías shuti runapaj churi Nehemías runagu rimashca shimicunami”, ‘Amoz shuti runapaj churi Isaías, muscuipishna ricushca’ y shinallata “Mandaj Diosca, Petuel shuti runapaj churi Joel runagumanmi, cai shimicunata cashna nishpa villarca” (Nehemías 1:1; Isaías 1:1; Joel 1:1).

 Bibliata escribij jaricunaca, único Dios verdaderopa shutipi escribinajushcatami nirca. Shinallata Taita Diospa ayudahuan escribi ushashcatapashmi nirca. Chaitaca mayoría escritorcunami shina nirca. Por ejemplo, Escrituras Hebreasta escribij profetacunaca más de trescientos vecestami “Mandaj Diosca, cashnami nin” nishpa escribi callarirca (Amós 1:3; Miqueas 2:3; Nahúm 1:12). Huaquin escritorcunaca, Taita Dios imata nishcataca angelcunapa ayudahuanmi yachaj chayarca (Zacarías 1:7, 9).

 Bibliataca 40 jaricunami escribirca. Y escribinataca 1600 huatacunapimi tucuchirca. Huaquin escritorcunaca Bibliapa tauca librocunatami escribirca. Bibliaca 66 librocunatami charin. Chai librocunaca ishcai partecunapimi dividishca can. Primer 39 librocunaca Escrituras Hebreas nishcacunami can. Cai librocunataca Antiguo Testamento nishpami huaquingunaca rijsin. Shinallata cati 27 librocunaca Escrituras Griegas Cristianas nishcacunami can. Cai librocunataca Nuevo Testamento nishpami huaquingunaca rijsin.