Bibliapica solo Levítico 19:28​pillami tatuajecunata rurarinamandaca parlan. Chai textopica ‘cangunapa cuerpotaca na chugririnachu canguichi’ ninmi. Taita Diosca ama shuj pueblocunashna cachunmi israelitacunataca shina nishpa mandarca. Chai pueblocunaca paicunapa dioscunapa shuticunata o chai dioscunata representaj imapash dibujocunatami cuerpopica tatuarin carca (Deuteronomio 14:2). Cristianocunaca israelitacunaman cushca Leyta cazuna obligaciondaca ñana charipanchichu. Pero chai Ley imata yachachijushcataca aligutami pensarina capanchi.

¿Cristianocunaca tatuajecunata rurarinachu capanchi?

 Chaita yachangapaca huaquin textocunata ricupashun.

•   ‘Huarmigucunapash na pinganaita churajushpa y aliguta pensarishpami mudarina can’ (1 Timoteo 2:9, Traducción del Nuevo Mundo [TNM]). Cai textopi consejoca jaricunapapashmi ali can. Cristianocunaca shuj gentecunapa concienciata respetanami can. Chaimi na paicunapilla yapata preocuparina can.

•   Huaquingunaca paicuna libre sintiringapaj munaimandami tatuarin. Cutin shujcunaca paicunapa cuerpohuan paicuna ima munashcata rurai ushashcata ricuchingapami tatuarin. Pero Bibliapica cristianocunataca ninmi: ‘Cangunapa cuerpota y cangunapa causaitaca, Taita Diosman shuj sacrificiota caranshna cuchunmi rogapani. Shinami Taita Diostaca aliguta pensarishpa sirvita ushapanguichi’ (Romanos 12:1, TNM). Tatuaringapaj munajcunaca “aliguta pensarishpami” ricuna can imamandata tatuaringapaj munanajushcata. Por ejemplo, huaquingunaca a la moda cangapajlla o shuj grupoman pertenecishcata ricuchingapallami tatuarin. Chaimandalla tatuaringapaj munashpaca pensarinami can “chashna tatuarina moda yalijpi o tatuarishcata arripintirishpaca ¿imatashi rurasha?” nishpa. Imamandata tatuaringapaj munajushcata aliguta pensarishpami, ali decisiongunata agllaita usharin (Proverbios 4:7).

•   ‘Imatapash ucha rurajcunaca ashtacatapachami charinga’. Pero ‘yapata musparishpa, imatapash ruraj runacunaca, imagupash illajmi tucunga’ (Proverbios 21:5). Huaquingunaca yapata musparimandallami tatuarinata yachan. Pero tatuajecunata rurarijcunaca paicunallatami afectarin y paicunapa trabajotapashmi afectan. Tatuajecunata llujchinapash caro caro valishcami can. Shinallata tatuajeta llujchinapash shinllimi can, aichataca ninandami nanachin. Además tatuajeta llujchina negocioca alipachami can. Porque ashtaca gentecunami tatuajeta rurarishcataca arripintirin.