“Jehová Diospica cambaj tucui shunguhuan confiangui. Aligutapacha yarishpami purini yashpaca, ama jariyanguichi. Imata ruragrijushpapash, Diostami yuyarina cangui. Paimi, can purina ñandaca aliguta pushanga” (Proverbios 3:5, 6, Traducción del Nuevo Mundo, TNM).

 “Taita Diospimi cambaj tucui shunguhuan confiana cangui. Aligutapacha yarishpami purini yashpaca ama jariyanguichu. Imata rurangapapash, Diostarami yuyarina cangui. Chaimi cambaj tucui causaipi aliguta pushanga” (Proverbios 3:5, 6, Nueva Biblia de los Hispanos).

 Ima decisiongunata japigrijushpapash ñucanchi propio yuyaicunapi confianapa randica Jehová a Diospa ayudatami mascana canchi.

 “Jehová Diospica cambaj tucui shunguhuan confiangui”. Taita Dios munashcashna rurashpami paipi confiashcata ricuchinchi. Taita Diospica tucui shunguhuanmi confiana canchi. Bibliapica ñucanchicuna imashina cashcata, ñucanchicuna imashina sintirishcata, imata yuyajta shinallata ima motivocunata charishcata parlangapajmi shungu shimitaca utilizan. Chaimandami confiana cashcamandallaca Taita Diospica na confianchi, ashtahuangarin pai ñucanchipa ima ali cashcata ali yachajpimi paipica tucui shuguhuan confianchi (Romanos 12:1).

 “Aligutapacha yarishpami purini yashpaca ama jariyanguichu”. Juchayujcuna caimandami Taita Diospi confianataca ministinchi. Ñucanchicunamandallata imapash decisiongunata japishpaca chai decisionguna callaripi alishnasha ricurishpapash jipamanga ashtaca llaquicunatami charishun (Proverbios 14:12; Jeremías 17:9). Taita Diosca ñucanchicunatapash yali ali yachaitami charin (Isaías 55:8, 9). Ñucanchi causaipi Taita Dios ayudachun saquishpaca ñucanchicunallatami ali causashun (Salmo 1:1-3; Proverbios 2:6-9; 16:20).

 “Imata ruragrijushpapash, Diostami yuyarina cangui”. Ñucanchi causaipi imata ruragrijushpapash Taita Dios chaicunamanda imata yuyashcatami aliguta pensarina canchi. Ima desiciongunata japigrijushpapash Taita Dios chai decisionmanda imata yuyashcata yuyarinami importante can. Chaitaca ¿imashinata ruraita ushanchi? Ali decisiongunata japingapaca, Taita Diosta mañashpa shinallata Bibliapa consejocunata cazushpa (Salmo 25:4; 2 Timoteo 3:16, 17).

 “Paimi, can purina ñandaca aliguta pushanga”. Taita Diosca paipa mandashcacunata cazushpa causachunmi ayudan (Proverbios 11:5). Shinami ali causachun ayudan.Taita Diospa mandashcacunata cazushpami na yapa llaquicunata charishpa cushilla causashun (Salmo 19:7, 8; Isaías 48:17, 18).

 Proverbios libropica cushilla causaiguta charichun Taita Dios munashcashna causai ushachunmi Taita Diospa nishca shimicunaca ashtaca tian. Proverbios libropa callari 9 capitulocunapica shuj taita paipa juyashca churiguta consejota cujunshnami escribishca tiajun. Capitulo 3 pica Taita Diospa mandashcacunata valichispa paicunapaca causaipi pajtachishpa causajcunaca ali causaiguta chari ushashcatami nin (Proverbios 3:13-26).