Según estudiashcacunaca shuj alcuca mutijishpallami shuj alcucuna ima edadta charijta, jari o huarmi alcu cajta, manso o millai cajta yachai ushan ninmi. Alcugucunataca bombacunata tarichun, drogacunatapash tari ushachunmi yachachita usharin. Gentecunaca ñucanchi ñavihuanmi imagutapash ricushpa mascanchi. Shinapash alcucunaca paipa singahuanllami imagutapash ricujuj cuenda mutijishpa mascan.

 Caipi yuyapai: Alcugucunaca ñucanchita yalimi ashtaca olorcunata mutijin. Según Instituto Nacional de Normalización y Tecnología de Estados Unidosca shuj alcuca “tauca olorcunata mutijishpapash, cada olor ima cajtami facillla yachai ushan” ninmi.

 Alcugucunapa singaca ¿imamandata ashtaca ashtaca olorcunata mutijita ushan?

•   Alcugucunapa singaca siempremi húmedo can. Chaimandami alcucunaca shuj shuj olorcunata mutijita ushan.

•   Alcugucunapa singaca ishcai clase utujucunatami charin. Shujca respirangapami can. Cutin chaishujca mutijingapami can. Alcugucuna imatapash mutijingapaj munashpaca mutijingapaj utujuhuanmi respiran. Shinami olorcunataca mutijinlla.

•   Alcucunapa singapi mutijingapaj utuju ucuca más o menos 130 centímetros cuadradostami midin. Cutin gentecunapaca solo 5 centímetros cuadradostami midin.

•   Alcucunaca ñucanchicunata yalimi mutijingapaca ashtaca células olfativas nishcacunata charin.

 Cai razongunamandami alcugucunaca imagutapash mutijishpaca imacunalla tiajta yachai ushan. Por ejemplo, ñucanchicunaca shuj sopata mutijishpaca ima sopa cajtami cuenta japipanchilla. Shinapash según estudiashcacunaca, alcugucunaca imacunahuanlla chai sopata rurashcatami cuenta japita ushanlla nin.

 Fundación Pine Street nishcapi trabajaj huaquin investigadorcunaca ninmi que imagutapash mutijingapaca alcugucunapa ñutuju y singapash igual funcionan nishpa. Shinami alcucunapa singaca “cientificocuna rurashca aparatocunatapash yalimi olorcunata alipacha sintin” nin. Cientificocunaca alcugucunapa singata copiashpami bombacunata taringapaj, drogacunata mascangapaj, millai ungüicunatapash taringapaj huaquin aparatocunata ruranajun.

 Quiquinga ¿imatata yuyapangui? Alcugucunapa singaca ¿pipash rurashca caimandacha shina alipacha can? O ¿yangamandacha shina can?