Umalliq t’aqaqa juj juch’uy grupo experienciayoq cristianokunan, paykunan lliu pachantinpi Jehová Diospa testigonkunaq organizacionninta pusarishanku. Paykunaqa iskay ruwaykunatan ruwanku:

•   Bibliamanta yachachikuykuna preparakusqantan qhawarinku, chay yachachikuykunan lloqsimun revistakunapi, librokunapi; chaykunatataq presentakun juñunakuykunapi, Jehová Diospa testigonkunapaq escuelakunapi ima (Lucas 12:42).

•   Jehová Diospa testigonkunaq lliu kay pachapi imakunachus ruwasqankutan qhawarinku, predicasqankuta, imakunapi donacionkunata utilizasqankutawan.

 Umalliq t’aqaqa ñaupa tiempopi ‘apostolkunaq, umallikunaq’ imaynachus ruwasqankuta jinan ruwanku. Paykunan llapa iñiq t’aqakunapaq imaymana decisionkunata ruwaqku (Hechos 15:2). Chaymantapas paykunaqa manan jefekuna jinachu imatapas munasqallankuta ruwaqku, chhaynatan kunan tiempo umalliq t’aqapas mana imatapas munasqankuman jinallachu ruwanku. Aswanmi paykunaqa Bibliata allinta estudiaspa chayman jina imatapas decidinku, allintataqmi yachanku Jesucristo Diospa llaqtanpi umalliqa kasqanta (1 Corintios 11:3; Efesios 5:23).

 Paykunan kashanku Kenneth, Jr. Cook, Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane, Jeffrey Winder ima. Paykunaqa Nueva Yorkpi Warwick nisqa llaqtapi kaq oficinapin llank’ashanku.

 Umalliq t’aqaq ruwanankuqa soqtaman t’aqasqan kashan, sapanka partemantan encargakun juj otaq iskay hermanokuna.

•   Encargakuq t’aqakunata umalliqkuna. Paykunaqa autoridadkunaq leykuna orqomusqanmantan makilla kashanku; chaymantapas kay mundopiqa manataq librechu imamantapas kashanchis chayqa, kanpunin Testigokunapaq ima emergenciapas, wakin partekunapiqa Diosta serviqkunaq predicasqankutan prohibinku o paykunata ima mana allintapas ruwanku, chaykunatawanmi paykunaqa qhawarishanku.

•   Betelpi llank’aqkunamanta encargakuqkuna. Paykunaqa Betelpi llank’aqkunata sucursalkunapi llank’aqkunata iman qhawarinku.

•   Qelqakuna ruwaymanta encargakuqkuna. Paykunan encargakunku Bibliamanta revistakuna, librokuna ruwakunanmanta apachikunanmanta ima, chaymantapas paykunan qhawarinku sucursalkuna ruwakusqanta, qelqakuna t’ijrakunanpaq oficinakuna ruwakusqantapas.

•   Predicacionmanta encargakuqkuna. Paykunan qhawarishanku “Diospa gobiernonmanta allin willakuykuna” willakusqanta (Mateo 24:14).

•   Yachachikuymanta encargakuqkuna. Juñunakuykunapi, Jehová Diospa testigonkunapaq escuelakunapi, Bibliamanta grabacionkunapi, videokunapipas imachus lloqsimunqa chaykunamantan paykunaqa encargakunku.

•   Yachachikuykuna qelqaymanta encargakuqkuna. Paykunan preparanku Bibliamanta revistakunata, librokunata ima, chaymantapas paykunan encargakunku internetpi “jw.org” nisqa paginapi imaymanakuna lloqsimunanmanta, qelqakuna t’ijrakuy aparikunanmantapas.

 Chhaynapi t’aqasqan kashan umalliq t’aqaq ruwanankuna, chaymantapas paykunaqa sapa semananmi juñukunku chhaynapi imakunachus Diospa llaqtanpi ruwana kashan chaykunata qhawarinankupaq. Chay juñunakuykunapiqa Bibliatan paykunaqa allinta qhawarinku, chhaynapin Diospa munasqanman jina ima decisiontapas ruwanku. Chaymantapas ima decisionta ruwanankupaqpas llapankun acuerdoman jaykunku, manan t’aqanasqachu imapipas kanku (Hechos 15:25).

 Nisqanchis jina, umalliq t’aqaq ruwanankuqa soqtaman t’aqasqan kashan, sapanka t’aqapin kashan Diospaq junt’aq sonqo allin experienciayoq cristianokuna, paykunan churasqa kanku umalliq t’aqamanta kaq hermano imamantachus encargasqa kashan chaypi yanapakunankupaq (1 Corintios 4:2). Chay yanapakuqkunapas sapa semananmi rinku umalliq t’aqamanta kaq hermanokunaq juñunakuyninman, chaypin paykunapas yanapakunku imaymana informacionkunata qospa, ichaqa manan paykunachu ima decisiontapas ruwanku. Paykunan qhawarinku ima decisionkuna ruwakusqanpas junt’akushanchus icha manachus chayta. Chaymantapas paykunatan umalliq t’aqaqa kamachin juj lado nacionkunapi hermanokunata visitanankupaq, jatun asambleakuna kaqtin chaypi participanankupaq, “Galaad” nisqa escuela kaqtin chaypi participanankupaqpas.