Sonqomanta qoykukuq kananchispaq ama obligasqa jinachu nitaq mala voluntadwanchu. Qoykukuq kasun chayqa kusisqan sientekusun manan chaskikuq runallachu (Proverbios 11:25; Lucas 6:38). Jesusmi niran: “Qoypin aswan kusikuyqa kan, manan chaskiypichu”, nispa (Hechos 20:35).

•  ¿Jayk’aqmi qoykukuq kananchis?

•  ¿Jayk’aqtaq mana allinchu kanman qoykukuq kay?

•  Qoykukuq kaymanta textokuna

 Tukuy sonqomanta qoykukuq kasun chayqa allinninchispaqmi kanqa. Biblian nin: “Chayrayku, sapanka imaynatachus sonqonpi yuyaykusqanman jina qochun, ama mala voluntadwanchu nitaq obligasqa jinapaschu, Diosqa kusisqa qoqtan munakun”, nispa (2 Corintios 9:7).

 Diosqa munan serviqninkuna tukuy sonqomanta ima kaqninkutapas qonankuta (Santiago 1:27). Wajcha runaman imallatapas qoyqa Jehová Diosmanpas qoshasunman jinan, Jehová Diostaqmi kutichipuwasun (Proverbios 19:17). Bibliapas ninmi Jehová Dios qoykukuq kaqkunata bendecisqanta (Lucas 14:12-14).

 Noqallanchispi piensaspa qoykukuq kasunman. Ejemplopaq:

•   Runakuna allinta qhawariwananchisrayku (Mateo 6:2).

•   Imatapas chaskinanchisrayku (Lucas 14:12-14).

•   Kausayniykita qespichinaykirayku (Salmos 49:6, 7).

 Diospaq cheqnikusqan ruwaykunata ruwanankupaq. Ejemplopaq, qolqeta qosunman mana allinta ruwanankupaq, machanankupaq otaq drogakunankupaqpas chayqa manan allinchu kanman (1 Corintios 6:9, 10; 2 Corintios 7:1). Mana llank’ayta munaq runaman qolqeta qoypas mana allinchu kanman (2 Tesalonicenses 3:10).

 Familianchispaq faltawashaqtinchis jujkunaman qoyqa mana allinchu kanman. Bibliapipas ninmi Familianta umalliqqa familianmanmi ñaupaqtaqa tukuy necesitasqanta qonan (1 Timoteo 5:8). Manan allinchu kanman jujkunaman qosqanrayku familianta qonqanman chayqa. Jesuspas anyaranmi ‘Diospaq ofrendanmi’ nispa kuraq tayta-mamankunata mana yanapayta munaqkunatapas (Marcos 7:9-13).