¿Casarasqakuna cuidakunkumanchu imawanpas mana wawayoq kanankupaq?
¿Ima ninmi Biblia?
Jesuspas qatikuqninkunapas manan cristianokunataqa kamachirankuchu wawakunayoqpuni kanankupaqqa. Chaymantapas Bibliapiqa manan jark’anchu mana wawayoq kanankupaq imawan cuidakunankutaqa. Romanos 14:12 texton nin: “Sapankanchismi kikinchismanta Diosman cuentata qosunchis”, nispa.
Chhaynaqa, sapanka parejakunan decidinan wawayoqchus kanqaku icha manachus chayta, pisillachus icha askhachus wawanku kanqa chayta, jayk’aqchus wawayoq kanqaku chaytapas. Sichus warmi-qhari imawanpas cuidakunankupaq decidinqaku chayqa paykunamantañan kanqa, ichaqa manapunin imawanpas abortachinankuchu. Manan pipas mana allinta rimananchu imawanpas cuidakusqankumantaqa (Romanos 14:4, 10-13).
Astawan yachanaykipaq
BIBLIAMANTA TAPUYKUNA
¿Imaninmi Biblia wawa abortaymanta?
¿Jayk’aqmantapachan juj runaq kausaynin qallarin? ¿Perdonanmanchu Dios wijsallapiraq kaq wawata abortaq warmita?
NOQAYKUMANTA
¿Munawaqchu wasiykiman jamunaykuta?
Bibliaq yachachisqanta astawan t’aqwiriy otaq Jehová Diospa testigonkunamanta astawan yachay