Anticristoqa manan juj runallachu, nitaq juj t’aqa runakunapaschu, aswanpas Bibliaq nisqanman jinaqa “askhan anticristokunaqa” (1 Juan 2:18). Anticristo simiqa “Cristoq contranpi otaq Cristoq rantinpi” niytan munan. Anticristoqa kaykunatan ruwan:

•   Jesusta Cristo kasqanta negan otaq Diospa churin kasqantapas negan (1 Juan 2:22).

•   Diospa ajllasqan Cristoq contran jatarin (Salmo 2:1, 2; Lucas 11:23).

•   Llullakuspan Criston kani nispa nin (Mateo 24:24).

•   Cristoq qatikuqninkunatan qatiykachan, chayta ruwaspaqa Jesustapas qatiykachashankuman jinan (Hechos 9:5).

•   Cristianon kayku nispan mana allinkunata ruwanku, runakunatapas engañanku (Mateo 7:22, 23; 2 Corintios 11:13).

 Bibliaqa chaykuna ruwaqkunatan anticristokuna nispa nin, chaymantapas “anticristo” nillantaqmi (2 Juan 7). Anticristoqa Jesuspa apostolninkunaq tiemponpin rijurimuran, chay tiempomantapachan kunankamapas Bibliaq willasqan jina kashallan (1 Juan 4:3).

•   Anticristokunaqa llullakuspan Jesusmanta yachachinku (Mateo 24:9, 11). Yachachinkun Jesusqa Diosmi nispa chayta yachachispaqa Jesús contran jatarishanku, Jesusqa sut’itan yachachiran: “Yayaqa noqamanta aswan atiyniyoqmi”, nispa (Juan 14:28).

•   Chaymantapas anticristokunaqa Diospa gobiernonmanta Jesuspa yachachisqantan mana chaskikuyta munankuchu. Wakin religionkunapi umalliqkunan Jesusmanta ninku: “Gobiernokunatan umallishan”, nispa. Ichaqa chayqa manan cheqaqchu, Jesusmi niran: “Gobiernoyqa manan kay pachamantachu”, nispa (Juan 18:36).

•   Anticristokunaqa Jesustan Señorniyku nispa ninku, ichaqa manan kamachikuyninkunata kasukunkuchu, chayraykun mana Diospa gobiernonmantapas runakunaman willankuchu (Mateo 28:19, 20; Lucas 6:46; Hechos 10:42).