SALTAQ arañaq rikusqanqa hukniraymi, payqa k’apaktan yachan ima hap’iy munasqanpas imayna karupi kasqanta. ¿Imaynatan chayta ruwan?

Kaypi yuyaykuy: Chayta ruwananpaqqa iskay hatun ñawinkunawanmi yanapachikun. Ñawin ukhunpin askha capakuna kan. Iskay capakunan reparan q’omer kaqkunata, chaykunamantan huknin ch’uyata rikun huknintaq ayphata. Ima rikusqanpas aswan ladonpi kaqtinqa aswan ayphatan rikun. Chhaynapin chay arañaqa k’apakta p’itanqa ima hap’iy munasqanman.

Chay arañamanta allinta yachaq runakunaqa chayta qhawarispan ruwayta munanku aswan ch’uyay-chu’yay fotota horqoq camarakunata, hinallataq ima rikusqankutapas imayna karupi kashasqanta yachaq robotkunatapas. Internetpi ScienceNOW noticiakunata willaqmi saltaq arañamanta nirqan: “Chay arañakunaqa kuskan centímetro hinallan, ñosqonninpas ch’uspiq ñosqhonninmantaqa aswan huch’uyraqmi chaywanpas imatapas hap’inanpaq k’apakta rikusqanqa admirakunapaqmi”, nispa.

¿Ima ninkin chaymanta? ¿Kikillanmantachu saltaq araña chhayna rikuq karqan icha kamasqachu karqan?