02 YACHACHIKUY
Bibliapin willashan jamuq tiempomanta
Yaqa llapa runakunan imaymana sasachakuykunapi tarikushanku, chaywanmi nishu llakisqa kashanku, sinchi nanaypin kashanku. Yaqapaschá qanpas llakiq qatirisqan kashanki, onqoshankipaschá, mayqen familiaykipaschá wañurakapun. Nishankipaschá: “Jayk’aqkamataq kaykunari kanqa, khaynallachu imapas kanqa”, nispa. Bibliapin willashan jamuq tiempopi sumaq kausay kananmanta.
1. ¿Ima sumaq willakuymi Bibliapi kashan?
Bibliapin willashan imaraykus imaymana sasachakuykuna kan chayta. Willashanmi imaynas chaykunaqa pisi tiempollapaq chayta, imaynas chinkapunqa chaytapas. Chaymantapas Bibliapi willasqanqa yanapasunkin, chaypin willashan jamuq tiempopi sumaq kausay kananmanta (leey Jeremías 29:11, 12). Chaypi piensaymi yanapawasun ama nishuta llakikunanchispaq, ama llakikuynillanchispi yuyayninchis kananpaqpas. Bibliapin willallantaq imaynas qhepamanqa wiñaypaq kusisqa kausasun chayta.
2. ¿Imaynan kausay kanqa jamuq tiempopi?
Bibliaq willasqanman jinaqa, jamuq tiempopiqa manañan kanqachu “wañuypas, [...] llakikuypas, waqaypas ni nanaypas” (leey Apocalipsis 21:4). Arí, manan kanqañachu ima llakichiqninchis sasachakuypas. Manan kanqañachu wajcha kaypas, mana chanin ruwaypas, wañuypas, ni ima onqoypas. Aswanmi kay pachaqa munay huertaman jina tukupunqa, chaypin wiñaypaq kusisqa kausasunchis.
3. ¿Iman yanapawasunman Bibliaq willasqanpi confiananchispaq?
Wakin runakunan ninku: “Qhepamanqa imapas allinyarillanqan”, nispa; ichaqa manan yachankuchu chhaynapunichus kanqa icha manachus chaytaqa. Jamuq tiempopi kausaymanta Bibliaq willasqanmi ichaqa cheqaqpuni. Chay willasqanpi confianapaqqa Bibliatan “allintapuni t’aqwinanchis”, chaytan allinta estudiananchis (Hechos 17:11). Chhaynapin allinta yachanki Bibliaq willasqan confianapaq jinachus icha manachus chayta.
ASTAWAN YACHASUNCHIS
Astawan yachasun imakunatas jamuq tiempopaq Bibliapi willashan chayta. Yachallasuntaq imaynatas sumaq kausay suyakusqanku jujkunata yanapashan chaytapas.
4. Bibliapiqa jamuq tiempopi sumaq kausay kananmantan willashan
Kay urapi qhaway jamuq tiempopi sumaq kausay kananmanta Bibliaq willasqanta. ¿Chaykunamanta mayqen junt’akunantan astawan munawaq? ¿Imarayku?
Chaypi kaq sapanka textokunata leeychis, jinaspa jamuq tapuykunaman jina parlariychis:
-
¿Yanapawasunmanpunichu kay leesqanchis textokuna? ¿Familiaykitapas amigoykikunatapas yanapanmanchu chaykunamanta yachay?
Jamuq tiempopi imaynachus kausay kanqa chaypi piensay:
|
MANAN IMA MANA ALLINPAS KANQACHU |
TUKUY IMAPAS ALLINKAMAN KAPUNQA |
|---|---|
|
|
|
|
|
|
|
|
|
|
5. Sumaq kausay kananmanta Bibliaq willasqanqa yanapawasunmanmi
Kay tiempopi imaymana sasachakuykuna kasqanwanmi askha runakuna llakisqa phiñasqa kashanku. Wakinqa thaj kausayta munaspan imaymanata ruwashanku, ichaqa sumaq kausay kananmanta Bibliaq willasqanmi askha runakunata yanapashan. VIDEOTA qhawaychis, jinaspa jamuq tapuykunaman jina parlariychis:
-
Chay videopi rikukusqanman jina, ¿imamantan Rafika llakisqa kasharqan?
-
Manaña qhawanakuy chinkarqanchu chaypas, ¿imaynatan Biblia payta yanaparqan?
Bibliapi sumaq kausaymanta willasqanqa yanapawasunmanmi kusisqalla kausananchispaq, amataq llakikuykunallapi yuyayninchis kananpaqpas. Leeychis Proverbios 17:22; Romanos 12:12 textokunata, jinaspa jamuq tapuykunaman jina parlariychis:
-
¿Yanapasunkimanchu Bibliapi sumaq kausaymanta willasqan? ¿Imarayku chayta ninki?
WAKIN RUNAKUNAN NINKU: “Manachus jina Bibliapi ima willasqanpas cheqaqqa kanmanchu”, nispa.
-
Bibliapi willasqanqa junt’akunqapunin. Chhaynataq chayqa, ¿allinchu kanman chaykunamanta astawan yachay? ¿Imarayku chayta ninki?
IMATAN YACHAMURQANCHIS
Bibliapin willashan jamuq tiempopi sumaq kausay kananmanta, chay kausayta suyakuyqa allinpunin, yanapawasunmi ima llakiña kaqtinpas kusisqalla kausananchispaq.
Yuyarisun
-
¿Imaraykun runakuna yachananku qhepaman sumaq kausay kananmanta?
-
¿Imakunatan Biblia willashan jamuq tiempomanta?
-
¿Imaynatan kay tiempopi yanapasunkiman sumaq kausaymanta yachasqayki?
ASTAWAN YACHANAYKIPAQ
Jamuq tiempopi sumaq kausay kananmanta yachayqa allintan yanapasunki. Chaymantan kay qelqapi willashan.
“¿Maypin suyakuyta tariwaq?” (¡Rijch’ariy!, 2004 watapi 22 abril)
Kaypin yachanki imaynas sumaq kausayta suyakuy jujkunata yanapashan onqoyninkuta aguantanankupaq chayta.
“¿Yanapawasunmanchu Biblia onqoyninchista aguantananchispaq?” (jw.org paginapi leey)
Imayna munaychá kausay kanqa kay pacha mosoqman tukupuqtinqa, chaypi piensay kay takiyoq videota qhawaspa.
Kay qelqata leespan yachanki imaynatas ch’aqwayllapi puriq runata Biblia yanaparqan chayta.
“Manañan kay pacha cambiaypiqa piensaniñachu” (Qhawaq, 2013 watapi 1 julio)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
