¿Imaniwaqmi jamuq tiempomanta?
¿Kay kausayqa . . .
-
...kaqllan kanqa niwaqchu?
-
...astawanmi mana allinman tukunqa niwaqchu?
-
...allinyanqan niwaqchu?
BIBLIAN NIN:
“Diosmi runakunaq ñawinmanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu. Arí, ñaupaq kaqkunaqa manañan kanqachu”, nispa (Apocalipsis 21:4, Mosoq Pacha Biblia).
¿IMARAYKUN CHAYPI NISQAN ALLIN WILLAKUY?
Jamuq tiempopiqa kusisqan tiyasun (Isaías 65:21-23).
Manañan kanqañachu onqoykuna ñak’ariykunapas (Isaías 25:8; 33:24).
Wiñaypaqmi familianchiskunawan amigonchiskunawanpas kusisqa kausasun (Salmos 37:11, 29).
¿CONFIASUNMANCHU BIBLIAQ NISQANPI?
Arí confiasunmanmi, ichaqa ¿imaraykun confiananchis?
-
Diosqa atiyniyoqmi chay promesata junt’ananpaq. Jehová Diospa atiyninqa mana tukukuqmi, chaymi Bibliapiqa payllata nikun: “Tukuy atiyniyoq”, nispa (Apocalipsis 15:3). Kay pachata paraisoman tukuchinanpaq prometesqantaqa junt’anqapunin. Chaymantaqa manapunin iskayasunmanchu, ¿imarayku? Bibliaq nisqan jina, Diospaqqa “tukuy imapas atikuqllan” (Mateo 19:26).
-
Diosqa munashanpunin chaykuna ruwayta. Bibliaq nisqan jina Jehová Diosqa maytan munashan wañupuq runakunata kausarichimpuyta (Job 14:14, 15).
Jinaspapas Bibliaqa willashanmi onqosqakunata Jesús qhaliyachisqanmanta. ¿Imaraykun chayta ruwarqan? Chayta ruwaytapuni munasqanrayku (Marcos 1:40, 41). Chaykuna ruwasqanmi sut’ita rikuchirqan imaynas Dios kikinpuni lliu runakunata yanapayta munashan chayta (Juan 14:9).
Chaykunawanmi yachanchis Jehová Diospas Jesuspas jamuq tiempopi kusisqa kausananchista maytapuni munasqankuta (Salmos 72:12-14; 145:16; 2 Pedro 3:9).
KAYPI PIENSARIY
¿Imaynatan Jehová Dios kay pachata paraisoman tukuchinqa?
Chayta yachanaykipaq leey: MATEO 6:9, 10; DANIEL 2:44 textokunata.
Astawan yachanaykipaq
QHAWAQ
Jamuq tiempomanta cheqaq yachachikuy
Diosmi jamuq tiempopi sumaq kausay kananmanta willawanchis, chaypi astawan confiananpaqmi Bibliata estudiananchis.
BIBLIAMANTA YACHACHIKUYKUNA
¿Iman Diospa gobiernon?
Jesús kay pachapi predicaspaqa Diospa gobiernonmantan astawanqa rimaran. Unay tiempoñan runakunaqa mañakushanku gobiernon jamunanpaq.
QHAWAQ
¿Imatan Diospa gobiernon ruwanqa?
Jesusqa yacharanmi Diospa gobiernollan kay pachapi llakikuykunata allichananta. ¿Imakunatan chay gobierno kay pachapi ruwanña?
NOQAYKUMANTA
¿Munawaqchu wasiykiman jamunaykuta?
Bibliaq yachachisqanta astawan t’aqwiriy otaq Jehová Diospa testigonkunamanta astawan yachay
