Awriki, kanmi. Jehova Diospa testigonkunaqa maylaw nacionpi kaspaykupas llapallaykum kallpanchakuniku misionerokuna hina Diosmanta willakunaykupaq (Mateo 28:19, 20).

 Chaymi wakin testigokunaqa Diosmanta willakunankurayku karupi kaq llaqtachakunaman astakunku, wakinkuñataq huk law nacionkunaman. Paykunaqa anchatam kusikunku Jesuspa nisqanman hina yanapakusqankuwan, paymi nirqa: ‘Ñuqamantam willakunkichik [...] kay pachapa cantonkama’, nispa (Hechos 1:8).

 1943 watapim qallaykurqa misionerokunapaq Galaad escuela, chay escuelapim chay watamanta kunankamaqa pusaq waranqa testigokunamanña yacharachinku misionero kanankupaq.