Kay 2023 wata 22 punchaw mayo killatam Organización Mundial de la Salud nisqanpi director Tedros Adhanom Ghebreyesus nirqa: “Runakunata kay COVID-19 unquy manaña wañuchiptinpas hinallam chay unquywanqa unquchkanku. […] kaymanta qipakunamanqa kanqapunim kayman rikchakuq unquykuna, chaymi listolla kananchik”, nispa.

 Kay COVID-19 unquywan hapichikuqkunamanta wakinqa manaña chay unquywan kaspankupas unquqyaqñam rikurirunku, mancharisqam qiparunku. ¿Yaqachu listo kachkan gobiernokuna, hospitalkuna ima unquypaqpas? Utaq, ¿yaqachu kunan kaq unquykunallatapas chinkachiyta atinmanku?

 Bibliapim nin “hanaq pacha Diosqa runakuna kamachiyta” qallarinanmanta utaq gobiernananmanta, paypa gobiernonpiqa manañam imawanpas unqusunchu (Daniel 2:44). Kay pachapiqa “manañam pipas ninqañachu: ‘Unquchkanim’”, nispanqa. (Isaias 33:24). Llapallan runakunam sano kanqaku, musukuna hinam kallpallankupi kanqaku (Job 33:25).