JESUSPA WAÑUKUSQANTA YUYARINAPAQ
Señorninchik Jesucristowanqa wakchayayqa manañam kanqachu
Kay allpa pachapi kachkaspanmi Jesusqa runakunata ancha-anchata kuyarqa, astawanraqmi wakchakunatawan ñakariqkunataqa (Mateo 9:36). Vidantapas qurqa hukkunapa allinninraykum (Mateo 20:28; Juan 15:13). Kuyawasqanchikraykum manapas unaymanta enteron allpa pachapi wakchayayta chinkachinqa. Chaytaqa ruwanqa Diospa gobiernonpi kamachispanmi.
Jesusqa bibliapi kay suma-sumaq palabrakunatam cumplinqa:
“Payqa llaqtapi wakchakunatayá yanapachun. Wakchakunapa churintayá yanapaykuchun” (Salmos 72:4).
¿Imaynatataq agradecekuchwan ñuqanchikrayku Jesuspa tukuy ruwasqanmanta hinaspa imakunataraq ruwananmantapas? Lucas 22:19 versiculopim qatiqninkunata Jesus nirqa wañukusqanta yuyarinankupaq. Chaymi watan-watan testigokunaqa wañukusqanta yuyariniku. Munanikum qampas ñuqaykuwan kuska Jesuspa wañukusqanta yuyarinaykita. Kay 2024 watapim kanqa kay domingo 24 punchaw marzo killapi.