¿Diosqa hukllapi kimsa dioskunachu?
Imatam biblia nin
Diosta yaqa llapallan yupaychaq tukuqkunam yachachinku hukllapi kimsa dioskuna kasqanta. Ichaqa qaway huk riqsisqa qillqapa nisqanta: “Manam Mateomanta Apocalipsis qillqakamaqa rikurinchu hukllapi kimsa dioskuna kasqanmanta yachachikuyqa [...]. Kay yachachikuy rikurinanpaqqa achka watakunam pasarqa, achka kutipitaqmi chayta yachachiqkunapas iskayrayarqaku”, nispa (The Encyclopædia Britannica).
Bibliapiqa manam maypipas rikurinchu hukllapi kimsa dioskuna kasqanmanta yachachikuyqa. Ñawinchasun wakinta:
“¡Señorniki [Jehova] Diosqa sapallan Diosmi!” (Deuteronomio 6:4).
“Sutiki Jehova Dios kasqantayá runakunaqa yachachunku, kay pachapi qamlla tukuy imapa hawanpi munaychakuq kasqaykita yachachunku” (Salmo 83:18, NM).
“Wiñay kawsayqa kanqa sapallan chiqap Dios kasqaykita riqsiqkunapaqmi hinaspa kachamusqayki Jesucristotapas riqsiqkunapaqmi” (Juan 17:3).
‘Diosqa sapallanmi’ (Galatas 3:20).
Chaynaqa, ¿imanasqataq achka religionkunaqa yachachinku kimsa dioskuna kasqanta?