Bibliapa libronkunamanta willakuykuna
Kay videokunam yanapasunki imamanta bibliapa yachachisqanta entiendenaykipaq. Kay videokunata servichikuy, yanapasunkim bibliata estudiaspayki hinaspa ñawinchaspayki aswan allinta entiendenaykipaq.
Bibliamanta willakuykuna
Bibliapim willawanchik Dios unanchawaqninchik kasqanmanta. Willawanchiktaqmi Diosta serviqkuna wiñaypaq kawsakunanchikta munasqanmanta chaynataq sutin Jehova kasqanmantapas.
Genesis qillqamanta willakuykuna
Genesis qillqam willawanchik tukuy ima imayna rikurimusqanmanta, willawanchiktaqmi imanasqa ñakarisqanchikmanta hinaspa wañusqanchikmantapas.
Exodo qillqamanta willakuykuna
Jehova Diosmi Egipto nacionmanta Israel runakunata librarqa, chaynapi paypa llaqtanña kanankupaq.
Levitico qillqamanta willakuykuna
Levitico qillqam willawanchik Jehova Diosqa chuya Dios kasqanta. Willawanchiktaqmi ñuqanchikpas Dios hina chuya kanapaq.
Deuteronomio qillqamanta willakuykuna
Kay videopim qawasunchik Israel runakunata anchata kuyasqanrayku Diosqa kamachikuykunata qusqanmanta.
Josuey qillqamanta willakuykuna
Josuey qillqam willawanchik Israel runakuna Diospa prometesqan allpaman imayna yaykusqankumanta hinaspa chay allpata imayna rakinakusqankumanta.
Jueces qillqamanta willakuykuna
Jueces nispaqa sutichakun juezkuna Israel nacionta kamachisqankuraykum. Diosqa juezkunawanmi chiqniqnin runakunamanta llaqtanta librarqa.
Rut qillqamanta willakuykuna
Rut libropim willawanchik Rut suegranta anchata kuyasqanmanta. Paykunatam Jehova Dios bendecirqa.
1 Samuel qillqamanta willakuykuna
Kay videom willawanchik juezkuna Israel nacionta kamachisqanmanta chaynataq reykunaña gobiernayta qallaykusqankumanta.
2 Samuel qillqamanta willakuykuna
Davidqa allin iñiyniyuq hinaspa mana hatuntukuq kasqanraykum ancha kuyasqa hinaspa riqsisqa karqa.
1 Reyes qillqamanta willakuykuna
Israel nacionta Salomon kamachisqanmanta yachaykusun chaynataq iskay nacionman rakikuruptin imayna kasqanmantapas.
2 Reyes qillqamanta willakuykuna
Kay videom willawanchik Israel nacionpa norte lawninpi yachaqkuna taytacha-mamacha yupaychayllamanña qukurusqankumanta. Willawanchiktaqmi Jehova Diosqa payman sunqu kaqkunata bendecisqanmantapas.
1 Cronicas qillqamanta willakuykuna
Kay videom yachachiwanchik Davidpa vidanmanta hinaspa kamachiq kaspan wañunankama Diosta kasukusqanmanta.
2 Cronicas qillqamanta willakuykuna
Kay qillqapi Juda nacionpi kamachiqkunamanta rimasqanwanmi yachanchik allin kawsakunapaqqa Jehova Diosllata kasukunanchikmanta.
Esdras qillqamanta willakuykuna
Jehova Diosqa Babilonia nacionmantam llaqtanta hurqumurqa hinaspa Jerusalenpi kaqlla yupaychanankupaqpas yanaparqa.
Nehemias qillqamanta willakuykuna
Bibliapi tarikuq Nehemias qillqapa yachachikuyninkunaqa anchatam yanapawachwan kunan tiempopi Diospa serviqninkunataqa.
Ester qillqamanta willakuykuna
Ester qillqapi willakuymanta yachasqanchikmi iñiyninchikta kallpanchanqa, chaynapim mana iskayrayasunchu Jehova Diosqa ima sasachakuymantapas llaqtanta librananmanta.
Job qillqamanta willakuykuna
Lliw Jehova Diosta kasukuqkunataqa satanasmi sasachanqa. Jobtapas satanasmi sasacharqa, ichaqa Diosman sunqum takyarqa. Chayna kasqanmanta yachasqanchikmi kallpanchawanchik ñuqanchikpas pay hina Diosman sunqu takyananchikpaq.
Salmos qillqamanta willakuykuna
Salmos qillqaqa Jehova Dioslla yupaychana kasqantam qawachin, qawachintaqmi Jesus kamachimuptin enteron allpa pacha sumaq huerta kananmanta, yanapantaqmi Diosman sunqu runakunatapas.
Proverbios qillqamanta willakuykuna
Proverbios qillqapiqa tarinkim imayna kawsakunapaq yachachikuykunata, allin llamkaq kanapaq yachachikuykunata hinaspa ayllupi allinlla kawsakunapaqpas.
Eclesiastes qillqamanta willakuykuna
Kamachiq Salomonmi qawachiwanchik ima ruwaykuna aswan allin kasqanta, tupachinmi chay allin ruwaykunaqa runakunapa piensasqankumantapas aswan allin kasqanta.
Cantares qillqamanta willakuykuna
Sulamita sipas kuyay yananta imayna kuyasqanmi karqa “Diosmanta hamuq nina hina”. Imanasqa chayna kasqanmanta yachay.
Isaias qillqamanta willakuykuna
Isaias qillqapi willakuykunaqa cumplikurqam. Chaymi qawachiwanchik Diosqa ima nisqantapas ruwaq kasqanta hinaspa serviqninkunata waqaychasqanta.
Jeremias qillqamanta willakuykuna
Jeremiasqa Diospa kamachisqantam ñakaristinpas kasukurqa. Kay videopim yachanki, Jeremiaspa vidanmanta yachayqa kunan tiempopi Diosta serviqkunapaqpas allin kasqanmanta.
Lamentaciones qillqamanta willakuykuna
Lamentaciones qillqataqa Jeremiasmi qillqarqa. Willawanchikmi Jerusalen llaqtata tuñirachiptinku sinchi llakisqa tarikusqanmanta hinaspa huchanchikmanta wanakuptinchikqa Diosqa llakipayawasqanchikmanta.
Ezequiel qillqamanta willakuykuna
Ezequielmi Jehova Diospa kamachisqankunata kasukurqa runakuna imataña ninanku kaptinpas. Chayna kasukusqanqa qatipakunapaqmi.
Daniel qillqamanta willakuykuna
Danielwan amistadninkunam Diosman sunqu karqaku ima sasachakuypiña kaspankupas. Paykunapa Diosman sunqu kasqankuta yuyayninchikmi hinaspa Daniel qillqapi willakuykuna cumplikusqanmanta yachaymi yanapawasunchik kay tukupay tiempopi Diosman sunqu kanapaq.
Oseas qillqamanta willakuykuna
Oseas qillqamanta willakuykunam yachachiwanchik Jehova Diosqa kuyapayakuq kasqanrayku huchankumanta wanakuqkunata pampachaykuq kasqanta hinaspa imayna yupaychanata munasqanmanta.
Joel qillqamanta willakuykuna
Diosmanta willakuq Joelmi willakurqa Diospa piñakuynin punchaw imayna kananmanta, willakurqataqmi chay punchawpi mana wañunapaq imata ruwanamanta. Chay willakusqanqa aswan allinmi kunan tiempoqa, ¿imanasqa? Diospa piñakuynin punchaw hichpallaña kasqanraykum.
Amos qillqamanta willakuykuna
Jehova Diosmi Amostaqa akllaykurqa willakuqnin kananpaq. ¿Imakunatam yachachwan Amosmanta?
Abdias qillqamanta willakuykuna
Abdias qillqaqa ñawpaq testamentopi qillqakunamantapas aswan aschallam. Willawanchikmi Jehova Diosña hamuq tiempopi kamachiqninchik kaptin hawkaña kawsakunamanta chaynataq wiña-wiñaypaq kamachinanmantapas.
Jonas qillqamanta willakuykuna
Jonasmi qillqarqa Jehova Dios anyaykuptin imayna chaskikusqanmanta, Diospa nisqanta kasukusqanmanta hinaspa kuyakuq chaynataq llakipayakuq kananpaq imaynata Jehova Dios yachachisqanmantapas. Jonasmanta yachayninchikqa allintapunim yanapawasun.
Miqueas qillqamanta willakuykuna
Miqueaspa qillqasqanqa yachachiwanchikmi Diosqa allinnillanchikpaq hinaspa ruway atinallanchikta kamachiwasqanchikta.
Nahum qillqamanta willakuykuna
Nahum qillqam willawanchik Diosqa nisqankunata ruwasqanmanta hinaspa hawka kawsakuy munaqkunaman chaynataq kamachimunanta suyaqkunaman sumaq willakuyta willasqanmanta.
Habacuc qillqamanta willakuykuna
Jehova Diosqa yachanmi imay punchaw hinaspa haykapi llaqtan libraykuyta.
Sofonias qillqamanta willakuykuna
¿Imanasqataq mana piensananchikchu Diospa piñakuynin punchawqa mana haykapipas chayamunanta?
Hageo qillqamanta willakuykuna
Hageo qillqam rimachkan Dios serviyninchikta imanasqa puntapi churay ancha allin kasqanmanta.
Zacarias qillqamanta willakuykuna
Serviqninkunaman Diospa qawachisqankuna hinaspa willasqankunam ñawpaq tiempopi llaqtanta kallpancharqa. Chay willakuykunam qawachiwanchik, kunan tiempopipas Jehova Diosqa llaqtanta yanapasqanmanta.
Malaquias qillqamanta willakuykuna
Kay qillqaqa ñawpaq testamentopi qillqakunamanta tukuyllanñam, willakunmi Diospa yachachikuyninkunamanta, llakipayakuymanta hinaspa kuyakuymanta. Yachachikuyninkunaqa allin kawsakunapaqmi kunanpas yanapawanchik.
Mateo qillqamanta willakuykuna
Mateo qillqamanta yachaykuy, kay qillqaqa Jesusmanta willakuq tawa qillqakunamanta hukninmi.
Marcos qillqamanta willakuykuna
Marcos qillqam qawachiwanchik Jesusqa kay pachata kamachimuspan imakunata ruwananmanta.
Lucas qillqamanta willakuykuna
Lucas qillqam willawanchik Jesuspa ruwasqankunamanta hinaspa yachachisqankunamanta, ichaqa Lucaspa wakin willakusqantaqa manam wakinqa willakunkuchu.
Juan qillqamanta willakuykuna
Juan qillqaqa willawanchikmi Jesusqa anchata kuyawasqanchikmanta, mana hatun tukuq kasqanmanta hinaspa Jesusqa Diospa akllasqan kamachiq kasqanmantapas.
Hechos qillqamanta willakuykuna
Jesuspa qatiqninkunaqa anchatam kallpanchakurqaku tukuy nacionpi Jesusmanta willakunankupaq. Hechos qillqata ñawinchaynikiqa anchatam qamtapas kallpanchasunki Diosmanta kusisqa willakunaykipaq.
Romanos qillqamanta willakuykuna
Kay qillqam willawanchik Jehova Diosqa mana pimanpas sayapakusqanta hinaspa imanasqa ancha allin Jesuspi iñiy kasqanmanta.
1 Corintios qillqamanta willakuykuna
1 Corintios qillqata ñawinchaspaykiqa yachankim iñiqkunaqa huk sunqulla kananchikmanta, Diospa kamachikuyninkunata kasukunanchikmanta hinaspa kawsarimuymanta imanasqa mana iskayrayanamanta.
2 Corintios qillqamanta willakuykuna
Jehova Diosqa llakinchikkunapi ‘sunqunchikta tiyaykachispam’ kallpanchawanchik.
Galatas qillqamanta willakuykuna
Galacia lawpi iñiqkunaman apostol Pablopa qillqasqanqa ñuqanchiktapas yanapawanchikmi hinalla Jehova Diosman sunqu kananchikpaq.
Efesios qillqamanta willakuykuna
Efesios qillqam willawanchik Cristo wañukusqanrayku huk ayllu hinalla kayta atisqanchikmanta, chayna kananchiktam Diosqa munarqa.
Filipenses qillqamanta willakuykuna
Sasachakuykuna kaptinpas hinalla Diospi hapipakuptinchikqa, hukkunapas chaynatam ruwanqaku.
Colosenses qillqamanta willakuykuna
Jehova Diosninchikqa kuyawasunchik yachasqanchikkunata ruwayman churaptinchikmi, pampachakuq kaptinchikmi chaynataq Jesusqa atiyta chaskirusqanmanta riqsikuptinchikmi.
1 Tesalonicenses qillqamanta willakuykuna
Diospa palabranmanta hinaspa tukuy imamantapas sumaqtam yachananchik, sapa kutim Diosta mañakunanchik chaynataq iñiqmasinchikkunawanpas kallpanchanakunanchik.
2 Tesalonicenses qillqamanta willakuykuna
Iñiqkunatam Pablo nin Jehova Diospa punchawnin manaraq chayamuchkaptin imakuna kananmanta, nintaqmi iñiyninkupi kallpanchakunankumanta.
1 Timoteo qillqamanta willakuykuna
Apostol Pablom Timoteota nin iñiqkuna imakunata ruwanankupaq, pantay yachachikuykunata ama uyarinankupaq hinaspa ama qullqilla kuyaq kanankupaq.
2 Timoteo qillqamanta willakuykuna
Timoteotam Pablo kallpanchan tukuy sunqunwan Jehova Diosta servinanpaq.
Tito qillqamanta willakuykuna
Kay qillqam willawanchik Creta islapi wakin iñiqkuna mana allinniq kasqankumanta. Willawanchiktaqmi iñiqkunapi punta apaqkunaqa imayna runa kanankumanta.
Filemon qillqamanta willakuykuna
Kay qillqam yachachiwanchik mana hatun tukuq, llakipayakuq chaynataq pampachakuq kanapaq.
Hebreos qillqamanta willakuykuna
Jesuspa qatiqninkunatam Diosqa chaskiwanchik churin Jesuspa wañukusqanpi iñisqanchikrayku, chayqa Diospaq animalkuna kañapuymantapas aswan allinmi.
Santiago qillqamanta willakuykuna
Santiagom sumaq rikchanachiykunawan yachachiwanchik Jehova Diosta serviqkuna imayna kanamanta.
1 Pedro qillqamanta willakuykuna
1 Pedro qillqaqa kallpanchawanchikmi Jehova Diosta servinapaq anchata kallpanchakunanchikpaq chaynataq imapas llakinchikta Diosman willakunapaq.
2 Pedro qillqamanta willakuykuna
Kay qillqaqa kallpanchawanchikmi Jesusña kay pachata kamachinanta mana amispa suyanapaq.
1 Juan qillqamanta willakuykuna
Apostol Juanmi qillqarqa Cristopa contranpi kaq runakunamanta hinaspa kuyakuq kanamanta.
2 Juan qillqamanta willakuykuna
Juanmi niwanchik Diospa kamachikuyninkunata hinalla kasukunapaq chaynataq pantay yachachiqkunata qipanchanapaq.
3 Juan qillqamanta willakuykuna
Kay qillqam kallpanchawanchik samaykachikuq kanapaq.
Judas qillqamanta willakuykuna
Judasmi willawanchik pantayta yachachiqkuna iñiqkunata imayna pantachisqankumanta.
Apocalipsis qillqamanta willakuykuna
Kay videom qawachin Diosqa runakunapaq hinaspa allpa pachapaq tukuy ima nisqanta imaynata ruwananmanta. Chay imayna kananmantam willawanchik tukuy rikchanachiykunawan.
