Caran huatai Jehovahuaj testigoguna shuj huaranga huaranga cumbirashca runaunahua intiru mundui tandarinun Jesús huañushcara iyaringaj, pai mandashca cuinta (Lucas 22:19). Cai tandarina yanapan Jesús tucui runaunamanda rurashcara valichingaj. Shinallara yachangaj yanapan imasna Jesús huañushca ñucanchira yanapan cuna timpui shamuj punzhaunais (Juan 3:16).

 Cai huatai Jesús huañushcara iyaringaj tandarinama risha, mana rishas ¿imasnara Jesús huañushcamanda valirina ushangui? Jesús yachachica ishqui cosasguna rurana ashcara.

1.  1. Yaya Diosmanda Jesusmandas yachana angui. Jesús paihua Yayara mañaushcai nica: “Caimi huiñai causai, canda sapalla sirtu Dios ajta ricsinauchu, shinallara can cachamushca Jesucristoras” (Juan 17:3).

2.  2. Yachashcara pactachi. Jesús intindichica ñucanchi causaibi pai yachachishcaunara pactachina ministishca ashcara. Shu punzha Urcui Rimashcara tucuchishcai, “tucui ñucama shamuj runa, ñuca shimira uyaj, ñuca shimira pactachij” alimi nica (Lucas 6:46-48). Shinallara shuj punzha nica: “Canguna cai camachishcaunara yachasha, pactachisha, cushi shunguyuj anguichi” (Juan 13:17).

 ¿Munanguichu Yaya Diosmanda Jesusmandas yachangaj? ¿Yachana munanguichu Biblia yachachishcara imasna pactachingaj? Cai yanapaiguna tian.

 Gratis shu yachachijhua Bibliamanda yachana ashca runaunara yanapashca Biblia yachachishcara intindingaj, shinallara yachashcara pactachingaj.

•   Shu yachachijhua Bibliamanda yachana nishca paginara ricui Bibliara imasna estudiangaj yachangahua.

•   Bibliara yachangaj ali shamushca angui nishca videora ricui, chibi yachangui imasna Jehovahuaj testigogunahua Bibliara yachana ushangui.

 Jehovahuaj testigoguna caran semana ishqui cuti tandarinun paiguna tandarina huasiunai, ricsishca anun Reinomanda Yachana Huasi cuinta.

 Chi tandarinaunai Bibliamanda yachanchi, shinallara yachashcara imasna ñucanchi causaibi pactachingaj. Jehovahuaj testigo mana ashas chi tandarinaunama maicambas rina ushan. Can causaushca partii tiaj tandarinaunama ringui, manasha internetpi zoommanda tandarina ushangui.

•   Chi tandarinaunai ima rurashcara yachangaj, Ñucanchi tandarinaunaga ¿imasnara an? nishca videora ricui.

•   Camba mayambi tiaj tandarinara tupangaj Jehovahuaj testigogunahuaj tandarinauna nishca paginara ricui.

 Cai temaguna videogunas yanapana ushanun Jesús yachachishcaunamanda mas yachangaj, shinallara Jesús huañushca imasna yanapan.

 Shu runa huañushcalla ashca huaranga runaunara imasna yanapana ushashcara yachangaj “¿Imasnara Jesús ñucanchira quishpichin?”, “¿Por qué tuvo que morir Jesús?” nishca temagunara leai, shinallara Jesús ¿imarasha huañuca? nishca videora ricui.